سياسة البرادعى

[right]شنت قناة الناس الفضائية هجوما حادا ضد الدكتور محمد البرادعى، المدير السابق للوكالة الدولية للطاقة الذرية، بسبب مطالبته بإلغاء المادة الثانية من الدستور، التى تنص على أن الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسى للتشريع.
وجاء فى حلقة برنامج «سهرة خاصة»، الذى يقدمه الداعية خالد عبدالله، أسبوعيا، على لسان أحد الضيوف قوله: إن هذا الرجل - فى إشارة إلى الدكتور محمد البرادعى- يحارب الله ورسوله، وإن كل من ينتخبه من المواطنين يحارب الله ورسوله أيضا.
وقال الداعية خالد عبدالله، مقدم البرنامج: إن البرادعى جاء، «على ظهر الفكر الأمريكى والدبابات الأمريكية، ومش كل من يلبس ثوب مصطفى كامل، ويقول: لو لم أكن مصريا لوددت أن أكون مصريا، وأنا عايز الناس تاكل والفقراء يشبعوا، وينخرب فى الإسلام وثوابته، نقول إحنا معاه طالما بيهاجم الحكومة».
وأضاف: «مش كل من يعارض النظام والحكومة يبقى راجل كويس ومحترم، نحن نزن الرجال بالدين»، وهو ما أكد عليه أيضا ضيف الحلقة قائلا: «إحنا معيارنا الإسلام وتطبيقه، والذى لا يقف مع تطبيق الإسلام مش هنسمع له، فيجب على الناس أن تنتبه إلى البديل الأمريكى، لأن هؤلاء أهم هم عندهم هو التخلص من الإسلام والقضاء على الشريعة الإسلامية، إحنا مع الذى يرفع راية لا إله إلا الله، وهنبقى مع من يحافظ على المادة الثانية من الدستور».

بصراحه لا تعليق معنديش تعليق على البرادعى

تعليقي إن البرادعي لا يصلح عمدة بلد لأنه ملوش منهج ثابت وده هيخرب البلد لأنه عايز يرضي الأخوان فيعملهم حزب وعايز يرضي العلمانيين فيلغي المادة التانيه في الدستور وعايز يرضي الصوفيه وعبدة القبور وعايز وعايز............طب وبعديـــــــــــــــــــــــــــــــــــــــــــــــن
أكيد في مصلحه لحد فيهم هتتعارض مع مصلحة الطرف التاني ساعتها البلد هتخبط في بعضها وانتوا عارفين لازم أمريكا تتدخل لوقف المهزلة دي ونشر الديموقراطيه وكل سنه بقي وانت طيب
عايز أقول كمان أنه مش عالم زره زي ما البعض فاكر اللي انا اعرفه انه خريج حقوق ومعاه دكتوراه في القانون الدولي وعاش معظم عمره بره مصر
مفيش أحسن من حسني أو جمال اللي يناسبوا مصر الفتره اللي جايه

قال تعالي
( وكذلك نولي بعض الظالمين بعضا بما
كانوا يكسبون ) سورة الأنعام

ولمن يختلف معي في الرأي أقول
لكم أرائكم ولي أراء
والحياة ظلال وأضواء
ههههههههه أقتباس