يد إينرامو بمساعده تحكيميه تحمل الترجي على حساب الأهلي لنهائي دوري الأبطال

خطف فريق الترجي التونسي هدف وحيد حصل به بطاقة التأهل للنهائي على حساب الأهلي وذلك بالمباراة التي أقيمت على ملعب رادس بإياب نصف نهائي دوري أبطال أفريقيا.

سجل النيجيري مايكل إينرامو هدف الترجي الوحيد في الدقيقة الأولي للمباراة بهدف بيده من ركلة ركنية غير صحيحه أحتسبها الحكم الغاني جوزيف لامبتي.

وأتسمت المباراة بكثرة الأخطاء التي طغت على أداء الكرة، لتغلب العشوائية وتظهر بشكل واضح داخل أرض الملعب بجانب الأداء التحكيمي السيئ من حكم المباراة.

وسيطر الترجي على المباراة ولم يقدم لاعبي الأهلي الشكل الهجومي المناسب الذي يمنحهم أفضليه على الفريق التونسي، فغاب هجوم الأهلي خاصة بعد طرد اللاعب محمد بركات.

وسيصعد بهذا الفوز الترجي التونسي بأفضلية الأهداف لمقابلة مازيمبي الكونغولي في نهاية بطولة دوري أبطال أفريقيا

.

الحمد لله ان الواحد مشفش الماتش عشان ميتشلش

بس بجد الجون يضحك لا فيه لاينز مان ولا حكم ولا اى حاجه

وبعدين هو عشان جون فضل كان مشكوك فيه يبقى خلاص نعوضه الماتش الجاى ونجيب فيهم

ده ايه العقليه دى


هو الاهلى تقريبا حاله مش ناوى يتعدل

مفيش تغيير

الاهلى عمره ماشتم فى التحكيم رغم انه اتظلم كتير وناس كتير بتقول انه التحكيم معانا

لا بنتظلم بس مش بنتكلم ليه لان الماتش بيبقى اللاعيبه بتلعب كويس طول الماتش والمدرب مسيطر

مش اللاعيبه فاقده الامل اذا كان المعروف عن الاهلى انه بيكسب ف اخر اى ماتش وعلى اخر ثانيه

هو احنا من امتى مدرب الاهلى بيعلق ع ظلم الحكام دحنا بقينا ولا الزمالك
"بابا قالى الحكم ده مرتسى"

بجد روح الفريق افتقدناها جدا من ساعت ماااااااااامسك.............

واللى سمعته انه خرج ابو تريكه

هههههههههه هى ايه حركة ابو تريكه دى

زى ماطلع فضل الماتش اللى فات برضه اول ماجاب الجون زى مايكون بيقوله جبت جون يافضل طب يللا بقى كفايه عليك كده

بجد الواحد مش عارف ازاى البدرى بيفكر

لأ وعمره ماعترف بالتقصير لا من ناحيته ولا من ناحية اللاعيبه
بدل ماتقول ان الحكم والنتيجة مرتبه مسبقا واسف ع النتيجة قول اسف ع الاداء اسف انى مبقدمش جديد

بجد الواحد قرف

والله ياجماعه احنا لاعايزين جوزيه ولابتاع" جوزيه كان جاب اخره خلاص" احنا عايزين مدرب مدرب وبس


يللا يااااااااااااااااااااااااارب مسئولوا الاهلى يفكروا بقى ويبطلوا يسترخصوا ويدوروا ع اى مدرب اشبال تحت خط 70 حتى

السلام عليكم
هوة كل حاجة نصيب اى نعم بهدل الدنيا وكان متش مسخرة بكل معنى الكلمة لكن دا نصيب ولازم فريق هيكسب ودى مجرد لعبة كورة يعنى مش نهاية الدنيا خلاص الفريق خرج من نص النهائى وخلاص ياريت منتكلمش فى الموضوع لحد مييجى نص نهائى تانى بقى وبالنسبى لابو تريكة يا new moon مكنش فى مستواه خالص وكان رتم لعبه بطئ ولازم يخرج لانه تقريبا مكنش موجود والحمدلله على كل حال
شكرا

يا د /عماد انا مشفتش الماتش بس قريت الوصف طبعا مش زى ماهشوف

حتى لو ابو تريكه وحش وهو اصلا من فتره زى ماهو

بيظل برضه مصدر رعب لاى حد وبمجرد مايطلع تاكتيك الفرقه التانيه بيختلف تماما ولاحظها تلاقيه نزل مهاجمين واشتغل الله ينور

وبعدين ماهو كل مره بيطلعه جت على دى

كنا فرحانيين انه مختلف عن جوزية فى حتة استعانته بالشباب بس مشمناش ريحتهم من فتره يعنى بصراحه

كلامكوا انتو الاتنين مضبوط بس
خلاص هو ده الواقع ان الاهلي خرج من البطولة من ساعة ما الترجي جاب الجون الاولاني في ستاد القاهرة
وعلى فكرة الماتش دوت لو اتعاد الف مرة عمر الاهلي ما كان هيكسب لان كل الظروف اجتمعت لتحرمه من الفوز من بداية اللعب السيئ في القاهرة ويليه
دخول هدف للترجي في القاهرة مرورا بتفكير البدري وكمان يد مهاجم الترجي حكمين ماشفوش ايده وانه يجيب جون في الدقيقة الاولى
وبعد كده طرد بركات وبعدين فرحة لعيبة الاهلي بخروج الشبيبة اول امبارح وكمان حركات التونسة القذرة خصوصا لما تخرج الكورة برة الملعب ولعيبة الاهلي تلف وتدور على كورة وماتلقيش واخيرا الحاج جوزيف لا مبتي الحكم والجلاد

بصوا انا ممكن عشان مش اهلاوى فشايف الموضوع مختلف
1\الاهلى خسر من الذهاب اللى كان هنا فى القاهرة بسبب الجون بتاع الدراجى
2\مستوى الاهلى من اول البطولة مش كويس بدليل النتايج بتتعادل برة ارضك اول ماتش وبعدين تخسر من السبيبة وبعدين تغلب الاسماعيلى بهدف ظلم لما احمد حسن زق المدافع وبعدين تتعادل فى القاهرة من الشبيبة وتكسب الفريق الاقريقى بالعافية 2\1 وتخسر من الاسماعيلى 4
3\بالنسبة لماتش العودة الحكم غلط اكيد غلط كان متحامل على الاهلى ايوة كان متحامل على الاهلى لكن هو من امتى اى فرقة من مصر بتلعب برة وبتلاقى تحكيم كويس
5\الفرقة اللى ييجى جون فيها فلى اول دقيقة وماتعرفش تعوض وبركات اللى هو خبرة الفريق كلها فية ينطرد بمنتهى السذاجة
6\اللعيبة اتنرفزت وهو دة كان اللى عايزة الترجى حسام عاشور كان هينطرد فى الماتش وربنا ستر
7\تغييرات البدرى الاول التشكيل كان صح وان كان فضل لو بدا احسن من جدو تانيا تغيير تريكة اكبر غلطة انا معاكوا انة بقالوا سنة مهنج بس مجرد وجودة فى الملعب بيحجز معاة على الاقل 2 لعيبة من الترجى وكفاية يركاتة
8\الله يرحمك ياعلى خليل منتهى العظمة انك تبقى ميت واجيال تيجى بعد 100 سنة تقول عليك انك كنت راجل محترم
اسف على الاطالة

خلينا فى الدورى
أيه اخبار الريال فى دورى الأبطال
والدورى الأسبانى اللى ليه شكل تانى

الميرينجى ياريس ان شاء الله هيلعب مع الميلان يوم 19 فى دورى الابطال يعنى بكرة فى السانتياجو بيرنابيو
اما الدورى فيوم السبت اللى فات فاز على ملقة 4\1احرز الاهاف رونالدو هدفين وهيجوايين هدفين وللاسف برشلونة فاز على فالنسيا فى نفس اليووووم

شكرا يا حودة
مبروك للريال وأبو زكريا

whatever !!

ياجماعه الاخبار دى تعرفوها من قسم الرياضه العالميه

واى حد عايز اخبار يسال هناك مش هنا اوك

ياريت يعنى كل قسم يبقى مخصص له بس

هههههههه محدش يعصب المون بعدين الدنيا تقلب ظلام

هههههههه

مااااااااااااااااااااشى ياد/عماد

انا اسمي احمد يامون حد يغيرلى عماد متعب عشان الناس فاكرنى عماد ههههههه