حلقة مثيرة من كرسى الاعتراف مع المدير العام للمنتدى

اصدقائى اينما كنتم احييكم بتحية الاسلام فالسلام عليكم ورحمة الله وبركاته وبعد بعد طلب من الاعضاء وكنظام من انظمة الديمقراضية فى دولة فيت2010 اجلس على كرسى الاعتراف واتعهد امامكم بان اجيب على اسئلتكم ولكن مع احترام قوانين كرسى الاعتراف
اتمنى منكم المشاركة والتفاعل

السؤال الاول

ايه موقفك لو حد قداك شفته بيتهان وانت حاسس انه مظلوم

السؤال الثانى

ايه اللى اتعلمته من 21 سنه اللى فاتت..........؟

السؤال الثالث

ترشح الكليه اللذيذه العزيزه لابنائك ولا لاء؟

السؤال الرابع

حاجه نفسك ...العالم كله يحققها؟
السؤال الخامس

تؤمن بمقوله وراء كل رجل عظيم امرأه ولا ايه؟

السؤال السادس

ايه خطتك لخمس سنين قدام؟

السؤال السابع والاخير

ايه اللى ممكن تقوله لينا كزمايل خمس سنين فى كليه واحده؟


اجابه كل سؤال لاتقل عن سطرتين ....سرعه الاجابه و الصراحه المتناهيه

وشكرا ويا رب مكونش تقيله فى الاسئله
والسلام عليكم ورحمته الله وبركاته

هههههههههه اوك يالؤلؤة اسئله كتيره وزمن الاجابه قصير وعايزه مصداقية اوك
بسم الله نبدا
السؤال الاول
امممممممم لو شفت حد قدى بيتهان وهو مظلوم بلاشك هبقا زعلان ولو ف ايدى حاجه اقدر اعملها ان شاء الله هعملها
السؤال التانى
سؤال اجابته لايمكن اختصارها لكن يعنى الواحد اتعلم كتير بس بجد اكتر درس اتعلمته ان المكتوب ليا لازم هاخده والمقدر عليا لازم اشوفه واتعلمت ان اللى بيتعب لازم يلاقى بصراحه يالاء سؤال ده ماينفعش يتجاوب عليه الواحد اتعلم كتير والشخصيه بتتبنى ع الاساس اللى هو اتعلمه
السؤال التالت
اممممممممم بصراحه لو كنت بره مصر ف دوله اوربيه ارشحهالهم لكن ف مصرلالالالالالالالالالالالالالالالالالا

السؤال الرابع
بصراحه نفسى الحب والعدل والتسامح واتمنى انه يتحقق
السؤال الخامس
ههههههههههههههه السؤال ده هيزعل منى ناس اكيد لكن بجد والله المراه ليها دور كبير جدا فى انجاح الرجل فانا مؤمن بها تماما لكن كذلك وراء كل رجل تعيس امراءة
السؤال السادس
خطتى اذا ربنا احيانا لخمس سنين ان شاء الله نخلص الكليه ونشوف الجيش واتمنى انه مايبقاش فيه جيش وده لو حصل يبقا فيه خير ان شاء الله بصراحه من الدروس اللى اتعلمتها احلم كيفما تشاء فالحلم هو مفتاح الوصول بجد الواحد نفسه ف احلام كتيره جدا بس ممكن نرتب الحاجه كالتاى
نخلص الكليه نشوف الجيش لو مادخلناش او لو دخلنا انا انوى لو لقيت فرصة سفر هسافر مالقيتش يبقا هشتغل فى مجالى هنا واكون نفسى ان شاء الله وبعدها اتجوز وبعدها هنخطط مع بعض ان شاء الله علشان نحقق مبدا الشورى
السؤال السابع والاخير
اللى ممكن اقوله هو اللى دايما بقوله دفعتنا دى بجد من اجمل الدفعات اللى شفتها مش ف بيطرى بس لا ف كل الكليات بجد فيهم صحاب جامدين جدا واتمنى اننا نفضل مع بعض كده اسره واحده وقلب واحد وان شاء الله من ضمن احلامى ان شاء الله يالؤلؤة انى احاول ان يكون ليا شغل مع ناس كتير من دفعتنا بيزنس يعنى وربنا يعينا على ده بجد هدف اتمنى احققه ويمكن كنت اتفقت انا واتنين من صحابى على فكرة عياده شامله ومع تانين على مزرعه وادعيلنا ربنا يوفقنا ف ده كله....................شكرا ليكى ع المرور

ربنا يوفقك .............ربنا كريم ....وهيحقق لكل واحد اللى نفسه فيه....وهيسر ليه طريقه ان شاء الله

خليك لبكرة اجازة الخميس وكده

ايه ياجماعه

انا اخر من يعلم ولا ايه؟؟؟؟؟؟؟؟؟؟؟؟؟؟؟؟؟؟؟


هو كرسى الاعتراف ده من امتى ؟؟؟؟؟؟؟


ع العموم لى عوده

يااااااااااااااااااااااااااااااه اخيرا الدكتور جمال

ايه هدفك بجد من عمل هذا المنتدى ومنين جتلك الفكره دى ويا ترى راضى عن الى ربنه كتبهولك واتحقق ولا كنت تتمنى حاجات اخرى

naghamvet كتب:

ايه هدفك بجد من عمل هزا المنتدى ومنين جتلك الفكره دى ويا ترى راضى عن الى ربنه كتبهولك واتحقق ولا كنت تتمنى حاجات اخرى

والله يادكتورة السؤال ده اتسالته كتير ولما ميتشو قالى عايزينك على كرسى الاعتراف توقعت ان السؤال ده يبقا اول سؤالوطبعا انا جاوبت السؤال دا كتير تحت موضوع حتى نضع النقط على الحروف على هذا المنتدى وعلى اصحاب فيت ولكن نجيب مرة تانيه وهقول كلام جديد شويه بدات الحكايه بحركتين واحده من المشرفين وواحده من الاعضاء بمعنى اصح خير ان تعمل شر ان تلقى طبعا انا مش هحكى اللى حصل لكن انا كنت كتبت بيه رساله للمشرفه اللى كانت معانا د/ بلو وبصراحه ردت رد محترم جدا اقدر لها ده لكن بصراحه شفت شوية مشاكل على المنتدى وبدات الناس تتخانق وماعرفش مين يشتم فى مين ومشرف يشيل عضو بغير سبب مقنع دا كله زعلنى من النظام فقلت اعمل منتدى بصراحه ماتوقعت انى استطيع ولكن بدات ابحث والحمد لله تم انجاز المنتدى فى يومين فى اخر اجازة نصف العام الماضى وطبعا نجاح المنتدى كان بمشاركة الناس اللى دايما بقول عليهم الناس دى طيبه اوى وبيحبو الخير لبعض دول طلاب دفعتنا كما لا انسى فضل اولئك الذين من خارج الكليه فقد شارك معنا كثير من خارج الكليه اشكرهم لذلك
الشق التانى من السؤال بصراحه انا راضى جدا جدا وما اطمع فى اكتر من كده انا ماكنتش احلم انى ادخل اى كليه من كليات القمه وخاصة بعد ماجبت 93% فى تانيه ثانوى وعملت عمليه فى شهر 5 فى 3 وبصراحه ماكنتش اتخيل فضل الله ومنه على اى نعم الكليه ف الاول الواحد ماكنتش ظابطه معاه لكن الحمد لله ربنا كرمنى بالاقتناع بيها على اساس السفر وربنا يسهل ووالله لحد دلوقتى ماحلمتش بحاجه غير لما حققتها وانا من النوع اللى بيؤمن بالمقولة اكثر من احلامك ترتقى ووالله الواحد ربنا بيوفقه بعمل حاجات مايبقاش مقتنع انها هتعمل حاجه لكن ربنا بيكرم الواحد فيها بصراحه ربنا كرمنى اكتر مما كنت اتخيل لكن دايما ربنا بيجزل فى عطائه بس احنا مانستعجلش
وربنا يعطى الجميع من جود فضله وكرمه
اشكرك لمرورك واشكرك على التفاعل واتمنى منه المزيد

امممممممم ايه دا كله حرام عليكى دا لو امتحان كنا عملنا تظلم لكن اوك نجاوب وامرنا لله يلا
الاول مثلى الاعلى هو رسول الله بلاشك وكم اتمنى الاقتداء به ولكن ..................
الثانى ندمت على عمله هو بصراحه فى حاجات الواحد بيندم على عملها لكن مافيش حاجه ف مسار الحياه ندمت عليها يعنى لكن ممكن اكون اشتريت حاجه او قلت كلمه يعنى حاجه زى كده يعنى ممكن اشترى حاجه واقول لو اشتريت دى كان افضل اقول كلمه وارجع اقول لو قلت دى كان احسن ممكن ازعل من واحد ولما ارجع البيت اقول ياريتنى ماعملت كده يعنى
الثالث كلمه تمنيت انى اسحبها غلطت ف واحد صاحبى اوى وكنت سبب مشكله
الرابع اخر شخص اذكره قبل مانام على حسب بس غالبا بتبقا والدتى ربنا يباركلى فيها
الخامس شخص لاترفض له طلب اخى فارس الاكبر
السادس توام روحى فيه اتنين ايمن وعلى والمعظمى صحابى
السابع شىء يشعرنى بالحرج ان واحد يحاول يحرجنى قدام الناس
الثامن كلمه بواجه بيها نفسى من تواضع لله رفعه
التاسع موقف محرج السنه دى no answwer
العاشر موقف ظريف السنه دى لما كنا ف التدريب الصيفى وداخل سكشن الجراحه والاقى بتوع السودان بس هما اللى قاعدين بس ومافيش حد مصرى تانى انا بصيت بذهول ووقفت وقفة زهول كده وبعدين رجعت تانى من غير مانطق بكلمه
الحادى عشر مواصفات فتاة احلامك هههههههههههههههه تكون جميلة ومتدينه ولا يغنى اى منهما عن الاخر وماتكنش تخينه هههههههههههههه وتكون ناويه تقعد ف البيت مش تشتغل لا اعتراضا على عمل المراه لكن انا عايز واحده ارجع زعلان الاقى بسمه جميله اتعب تقوينى الاقى اكلى جاهز ولادى لقيين رعايه كويسه وتكون طبعا معاها كليه بس عايزه تقعد ف البيت وتبقا مستعده انها تلبس النقاب او دى ممكن بعد الجواز ياتى الاقناع وطبعا انا متردد ف اللى انا اخترتها بس هيا لسه صغيره بس كل حاجه تنطبق عليها بس متردد ماعرفش ليه عله خير
الثانى عشر الانتحار لالالالالالالالالالالالالالالالالالالالالالالالالالالالالالالالالالالالالالالالالالالالا
الثالث عشر هو المفروض انى اضحى بالحب لكن وقتها الله اعلم لكن لا اعتقد بذلك والا مااستمرت الحياه
الرابع عشر اخواتى والله ولا يمكن ف يوم انى اخسرهم
الخامس عشر حد بيحبنى اوى لانه هيبقا حريص على انه يرضينى ويارب تبقا كده بس انا هحبها اكيد
السادس عشر لو 6 اشخاص قالولى انى اهبل لا مش هصدقهم دايما مابعملش حاجه الا اذا نفسى وافقت عليها ولا يمكن اشك ف نفسى
السابع عشر لو واحد يدينى مبلغ واكتب تعهد انى مارتبطش لا يمكن اوافق وان كان المبلغ ده كبير بجد الحب ده حاجه جميله والارتباط لابد منه
الثامن عشر اكون زيها ف يوم من الايام انا بحب شخصيات كتيره لكن اكتر واحد حبيت انى ابقا زيه هو فارس اخى
التاسع عشر البلد اللى نفسى اروحها السعوديه للحج ثم لبنان او اسبانيا للاقامه وربنا ييسر
العشرون كانت على اصحاب فيت واحده ف ايام الامتحانات بتاعت 3 بعتتلى رساله وبتقلى انتا ضحكت علينا
الحادى والعشرون معايا مسدس وفيه طلقه واحده ماتكفيش وشكلك هتودينا ف داهيه فبلاش
الثانى والعشرين اذا اردت ان ابكى من يمسح دموعى هههههههه اكيد .......
الثالث والعشرين مش كل الملابس وعمرى ماخدت الناس بالمظاهر لازم اتعامل معاهم لكن فى ناس والله من ىغير اى حاجه تلاقينى بكرهم انا قول لنفسى ليه ماعرفش
الرابع والعشرين دايما انا بقول العيب مش ف الكبير العيب فينا احنا هى الحكومه دى مين اكيد هى اخويا ابويا ابنى عمى يعنى مننا لو كل واحد راعى ربنا ف شغله كل شىء هيبقا زى الفل لكن احنا عاملين الحكومه شماعه بنعلق عليها كل حاجه
الخامس والعشرين فعلا الانتخابات ماتستاهلش لكن فى ناس بتحب كده لاى مصلحه كانت وانا كنت هترشح السنه دى لكن حاجة فى نفسى منعتنى وربنا يوفق الجميع لكن مع مراعاة الاخوة اللى بينا
اشكرك على مرورك ولو ان اسئلتك كتير لكن اشكرك على تفاعلك

حلو موقف السودانين دول
كان نفسى يحضروا معانا سكشن واحد بس محصلش مع الاسف
يعنى الواحد كان عايز يعرف بيفكروا ازاى كلامهم كده
يللا خير تتعوض


والله فى اسئله كتير بس الواحد مكانش متذكر بس


طبعا يادكتور الكرسى بتاعك ممتتد الى مابعد الاسبوع ده

لاننا تفاجأنا بيه

وجه كده ع غفله ومحدش كان مستعد

وعيب يعنى ىالمدير بتاعنا يبقى اسبوع واحد كده زينا

وناس كتير مسألتكش

فلازم توافق ع الاسبوع ده كمان .......

هو ممتد لحد منلاقى ضحية جديده نحطها عليه ههههههههههه

جميل يادكتور جمال يارب اشوفك دايما على كرسي الاعتراف كدا ونصيحة اخوية طالما بتقول الصراحة متبدأش كلامك وتقول بصراحة كذا لان دى بتدى انطباع احيانا مش كويس لكن احسن القول يافتى

فعلا أنت مدير المنتدى

emad meteb كتب:

جميل يادكتور جمال يارب اشوفك دايما على كرسي الاعتراف كدا ونصيحة اخوية طالما بتقول الصراحة متبدأش كلامك وتقول بصراحة كذا لان دى بتدى انطباع احيانا مش كويس لكن احسن القول يافتى

اولا ياكبير انا زعلان منك علشان الصورة اللى انتا حاططها جت فيا ويمكن جت ف الكل ههههههههههه لكن ولايهمك اخوة الحاجه التانيه اشكرك ع النصيحه واوعدك ماتتكرر هالكلمة تانى بس والله انا كلامى كله صادق فيه والله اعلم اشكرك للمرور وانتظر اسئلتك

الراجل ما يقصدش ياجمال

مكنتش ناوى اسال بس طالما طرحت الفكرة يبقى سؤال واحد انت بتحب ولا لا ولو بتحب ايه اسم حبيبتك او اول حرف فى اسمها ؟؟؟ههه جاوب

بالنسبة للصورة غيرتها شوفلى بقى موضوع التوقيع مبيظهرش ليه؟؟

هههههههههههههههههههههههههههههه
سؤال محرج شويه
اعتقد من حقى انى ماجاوبش لانى ماقررتش اذا كنت بحب او لا لحد دلوقتى الله اعلم لما اقرر هقلك يابوحميد
العب غيرها

ههههههههههه اتفضلو مدير المنتدى بيلعب بالاجابات الدبلوماسية مع الاعضاء اهو بقى هيا دى المصداقية اللى بتقول عليها ماشي يادك متجاوبش براحتك

يعنى انت لازم تحرجه ما تسيب الراجل فى حاله هو ده حال الناس اللى متعب بسأل عنهم بيحبوا يعيشوا مع اسرارهم داخل انفسهم


المهم
انا نفسى اسالك بس مش لاقى اساله اسالها ولا اهوه سال عالماشى

لو انا تقدمت لاختك هبة على ما اتذكر حتوافق انت عليا ولا حترفضنى خصوصا انى ان شاء الله مش هشغلها حتتنقب وطبعا حتاخد محاضرات فى الزهد لما تزهد فى الكلام عن الزهد


انت لو معاك كذا مليون جنيه خلى بالك كذا مليوووووووووووون يعنى بتاع 10 او20 كده هتعمل بيهم ايه بس جاوب بتانى وواقعية وفكر كويس والمبلغ مش هين
تقبل مرورى ومعلش مش متعود اسال على كرسى الاعتراف بس بصراحة _ماشى يا متعب خليك معاى على الخط_ بحب ادخل اشوف فكر الناس ايه وتضرنى قوى الاسئلة اللى مالهاش لازمة زى الحب الشهوى المحرم بتضر قلب الواحد خصوصا ان الواحد يدوب مشبص نفسه لعند لما يخلص الكلية ويشوف ان ربنا ييسرلنا الجواز خلينا نحب حب نؤجر عليه معلش استطردت

يا حسام انت ومتعب حضراتكو بتسالو اسئله شخصيه جدا جدا ومينفعش تطرحو الاسئله دى كده على الملأ عايز تسال النوعيه دى من الاسئله يبقى بينك وبين جمال مش على المنتدى

ياريت تتقبلو مرورى واسف لو حد هيزعل من الكلام ده

iهههههههه ردا على حسام انا اقسملك ياحسام انك لو تقدمت لاختى ماهفكر لحظه وموافق ياعم
السؤال التانى انا لو معايا المبلغ اللى انتا بتقول عليه احلامى ماوصلتش الرقم لكن لو فرضنا انه معايا اول حاجه افكر فيها انه يبقا ليا مكان بالمدينة المنور ة بيت يعنى وملك ثانيا حج البيت ثالثا اعمل مشروع ف قريتى واشغل فيه كل اهلى وحبايبى يارب الفلوس تكفى بس وابعتها ومالكش دعوه وربنا يرزقنا الاخلاص شرفنا مرورك ياحسام
بالنسبه ليك يابحراوى فسيب الناس تسال براحتها وللعضو الحق ف الاجابه او الرفض وعلى فكره متعب اللى سالنى السؤال ده هو ابن خالى مش عبدالرحمن والغرض هو عارفه بس والله لما اتاكد انا بحب ولا لا هقولكو علطول شرفنى مرورك ايضا