نيوفيت newvet

تحية طيبة زائرنا العزيز نرجو منك االتسجيل معنا على منتدانا او التعريف بنفسك اذا كنت عضو

مع تحيات ادارة المنتدى

نيوفيت newvet

| الطب البيطرى الحديث | الاطباء البيطريين |
 
الرئيسيةالتسجيلدخولدخول

شاطر | 
 

  يوميات عمرو و ياسمين اجمل قصة حب حقيقى قصة رائعة ..:: متجدد ::..

اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: يوميات عمرو و ياسمين اجمل قصة حب حقيقى قصة رائعة ..:: متجدد ::..   الثلاثاء 13 يوليو 2010 - 2:51

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

ازيكم يا حلوين ؟؟؟ يارب تكونوا كووووول



بصوا بقى انا جايبالكم قصة مش هقولكم عجبتنى لأ بجد اثرت فيا اوى اوى اوى مش عارفه ليه يمكن علشان انا رومانسية [ندعوك للتسجيل في المنتدى أو التعريف بنفسك لمعاينة هذه الصورة] بس بجد من وجهة نظرى انها تستحق المتابعة منكم وانكم تقروها وتشاركوا فيا يارب يعجبكم وبليز تشاركونى حتى لو معجبتكمش قولولى يهمنى اوى بجد اعرف رأيكم فى قصة من بدايتها لنهايتها

ملحوظة : القصة عبارة عن يوميات شاب وفتاة اسمهم عمرو وياسمين كل يوم هينزل حلقتين اتمنى تعجبكم ,,,,

نبتدى القصة على بركة الله ......

أبطال القصة :-

1- عمرو

2- ياسمين


وفيه اشخاص فرعية ذى1- حوده (صاحب عمرو)

2- الخطيب (صاحب حودة)


مش ها اطول عليكم اكتر من كدة


القصة ديه بتبدأ لما عمرو وحودة كانوا بيتمشواااا وحودة بيحكى لعمرو على
واحدة شفها امبارح ....


حودة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمرو :- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك
من الحاجات اللى انت بتقولها ديه نفسى تبص لوش البت مش على جسمها !!!

حودة :- ايون خليك انت كدة عايش فى الوهم يا بنى خليك عملى وانا ها استفاد
ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمرو :- انت حر يا عم بس لما واحدة تهزقك ولا تمرمط بيك الارض ما تبقاش
تعيط وانا مش ها احوش

حودة :- يا بنى تمرمط مين ده انا حودة الجامد اوى ..,,..

((وف نفس اللحظة ))



حودة :- انت تنحت كدة ليه ؟؟

عمرو:- يا نهار ابيض على الجمال مين البت ديه يا حودة ((بم إن حودة خبرة فى
الحاجات ديه ))

حودة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمرو:- جامدة مين يا عم ديه صاروخ انت شايف عنيها عاملة ازاى

حودة :- عنيها تانى وانا اللى قلت انك فوقت من الوهم اللى انت فيه جاتكداك
داهية شايف ال ......................... ((شوفوا انتم بقى عشان مش ها اقدر
اتكلم ))

عمرو :- استنا بس يا حودة ايه يابنى البت ديه

((وفلحظة اختفت من قدام عيون عمرو ))



حس عمرو ان روحى اتسحبت منه وان قلبه بيجرى يسابق الزمن , وما تمناش اد ما
تمنى فى حياته انه يعرف اسمها او حتى يعرف اى حاجة عنها

حودة :- ايه ياعم السهتان رحت لفين

عمرو:- ((مافيش رد))



حودة :- انت يابنى

عمرو :- ايييييييه (( كان سرحان صاحبنا))

انت بتقول حاجة يا حودة ؟؟

حودة:- لا ولا حاجة يا حبيبى يلا بينا انت شكلك دخت

عمرو:- البت ديه جميلة اوى يا حودة اوى اوى

انت ما تعرفش ديه مين ؟؟

حودة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمرو انه يروح نفس المكان ونفس التوقيت اللى شافها
فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حودة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حودة :- الصلاه ع النبى فرس ....... فرس يعنى مش اى كلام

عمرو :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حودة :- شوفلك صرفة فى عم الرومانسى ده

ده بيحب على روحه

عمرو:- احترم نفسك ياض

حودة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمرو :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمرو :- باسم مين ؟؟

الخطيب :- باسم المدخوم

حودة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حودة :- معجب ايه ياعم ده ميت ((بتريقة))

عمرو :- انا مش عارف يا خطيب انا والله حصلى ايه من ساعة ما شفتها

حودة :- حصلك نفس اللى حصلى

ااااااااااااااااااااااااااااه



الخطيب :- انت لسة ذى ما انت

حودة :- امال عايزنى ابقى ذى عمك الرومانسى ده

عمرو :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمرو :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع
الموضوع ده من دماغك

عمرو :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمرو :- اسمها ايه ؟؟

الخطيب :- اسمها ياسمين

عمرو :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمرو:- ازاى ؟؟!! (( باستغراب ))

حودة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمرو :- امال ازاى ؟؟

الخطيب:- ماهى تبقى صحبة سلمى اخت صباحو كدب

حودة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوىىىىىى ))

الخطيب :- بس اوعك يا عمرو تعمل كدة

ما تنساش يا جدع انه صحبك

حودة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمرو .... الخطيب .... حودة

هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه ))
؟؟؟؟؟؟؟!!!!!!!!!



يا ترى عمرو هيكلمها ولا لا ؟؟

ويا ترى عمرو ها يسمع كلام الخطيب ولا حودة

هنعرف الحلقه القادمه


وان شاء الله الحلقة الجاية هتنزل لما اشوف ردودكم


الرجوع الى أعلى الصفحة اذهب الى الأسفل

كاتب الموضوعرسالة
botshy
عضو مشارك
عضو مشارك


عدد المساهمات : 191
نقاط : 15507

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأربعاء 28 يوليو 2010 - 16:10

مش عارفة ليه شايفة بطل القصة حمادة هلال والبطلة البت شيري الجديدة ؛ولو ماوافقتش ع الدور ممكن أتنازل وآخد الدور
تسلم ايديكي ياعاشقة أبو تريكة
الرجوع الى أعلى الصفحة اذهب الى الأسفل
new_moon
عضو فضى
عضو فضى
avatar

انثى
عدد المساهمات : 736
نقاط : 16705
العمر : 29

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الخميس 29 يوليو 2010 - 0:22

جميله جدا ياعاشقة جدا جدا جدا

يارب تنتهى نهاية كويسه يارب

عشان تعرفى بس الولاد ملهمش غير فى الشكل الخارجى ههههههههههههههه

حب ايه ياشيخه وبتاع ايه


انا لسه بقرأ فيها بس بجد جميله اوى

كملى منتظرين بسرعه
الرجوع الى أعلى الصفحة اذهب الى الأسفل
د/محمود البحراوى
عضو فضى
عضو فضى
avatar

ذكر
عدد المساهمات : 686
نقاط : 16328
العمر : 29
العمل/الترفيه : vet

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الخميس 29 يوليو 2010 - 18:50

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
new_moon
عضو فضى
عضو فضى
avatar

انثى
عدد المساهمات : 736
نقاط : 16705
العمر : 29

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الجمعة 30 يوليو 2010 - 21:35

نظرا ياعاشقة انك اتأخرتى علينا

فانتى ان شاء الله واجبارى

هتنزلى اربع حلقات لما تدخلى

ده قراااااااااااااااار نهائى ؟؟؟؟

اقصد رجاء يعنى هههههههههههه
الرجوع الى أعلى الصفحة اذهب الى الأسفل
The Infintude
مشرف المنتدى العامavatar

انثى
عدد المساهمات : 1022
نقاط : 16274
العمل/الترفيه : dr_vet

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   السبت 31 يوليو 2010 - 14:05

أيه يا عاشقه ابو تريكه فيييييييييين باقي الحلقات
انا زهت من الأنتظار
يلا بقي
الرجوع الى أعلى الصفحة اذهب الى الأسفل
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأحد 1 أغسطس 2010 - 17:49

اولا يا جماعة اسفة على التأخير
بس لازم يكون بين كل حلقة وحلقة رد على الاقل
وانا بدخل ومبلاقيش ردود
عمتا هعوضكوا بكام حلقة كدة النهاردة ومرسي للمرور الجميل
نورتونى
الرجوع الى أعلى الصفحة اذهب الى الأسفل
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأحد 1 أغسطس 2010 - 17:54

:: الحلقة السابعة ::



كنا انتهينا ان عمرو ظبط كل حاجة مع مامتها وانها اتاكدت ان عمرو ده شخصية
كويسة وابن ناس وانه مش بيلعب ببنتها ذى شباب اليومين دول
(( فاهمنى طبعا اا ))

كل شئ كان تمام وفى يوم كان عمرو بيكلم ياسمين وديه كانت المكالمة

ووووو نسمعها سواااااااا

عمرو :- وحشتينى

ياسمين :- انت اكتر

عمرو :- بجد والله انا نفسى اشوفك

ياسمين :- يسلام انت لو كنت عاوز تشوفنى بجد كنت زمانك جيت الدرس عشان
تشوفنى بس انت بقى اللى ما جتش

عمرو :- والله يا ياسمين انا عندى اليومين دول امتحانات وبتاع ونفسى اشوفك
بس مش قادر انزل

ياسمين :- لا خليك فى مزاكرتك احسن .... وكفاية عليا انى اسمع صوتك كل يوم

عمرو :- يا لهوى اهى الكلمة دى عندى بالدنيا وما فيها
انا بموت فيكى يا ياسمين

ياسمين :- بس انا اكتر

عمرو :- اكتر ايه ؟؟

ياسمين :- هههههه ما انت فاهم وعارف كل حاجة

عمرو :- بس انا عاوز اسمعها منك

ياسمين :- ما انت عارف انى مش بعرف اقول الكلام ده

عمرو :- طب ما انت اول واحدة اقولها بحبك وبموت فيك يا ياسمين وربنا يخليكى
ليا يا رب يا اغلى عندى من الدنيا ومافيها

ياسمين :- بجد يا عمرو يعنى انت بتحبنى زى ما بحبك

عمرو :- بصراااااااااااااااااااااااااااااحة لا ( يا خرابى اعترف الواد )

ياسمين :- ايه ......!!!!!؟؟؟ ( راح ف دهية)

عمرو :- اكتر بكتييييييير اوى منك ( حرام عليك نشفت قلب البت )

ياسمين :- حرام عليك فجعتنى

عمرو :- ليه هو كل ده لسة شاكة فى حبى ليكى

ياسمين :- ليه هو انا لو شاكة كنت كلمتك ثانية واحدة

عمرو :- يا واد يا جامد والنبى عسل يا خواتى

ياسمين :- بس بقى عشان فيه موضوع مهم

عمرو :- خيييير

ياسمين :- باسم اخويا بدء يشك فيا وكل شوية الاقيه ماشى ورايا فى الشارع
ويعملها صدفة
وكل شوية يقولى انت بتكلمى مين فى التليفون وكدا يعنى ......
ولولا ماما كنت زمانى روحت فى داهية

عمرو :- ربنا يخلهالنا يا رب لحد ما اقدر اجى لحد عندك واطلب ايدك من
باباكى
واقوله يا عمى انا بطلب ايد بنتك ياسمين وعاوزها تكون مراتى وام عيالى لحد
ما اموت

ياسمين :- بعد الشر عليك ده انا اموت وراك
وبعدين كل سنة وانت طيب

عمرو :- يااااااا ده احنا عيد ميلادنا كمان 3 اياام ( 1 /4 )
كل سنة وانتى طيبة يا قمر

ياسمين :- على فكرة ماما عملالك مفأجاة

عمرو :- ايه هى ؟؟ ( استر ياللى بتستر )

ياسمين :- ما تبقاش مفأجاة
((( وتمر التلات ايام اوااااام )))

ويوم عيد الميلاد الصبح موبايل عمرو بيرن

عمرو :- الو

ياسمين :- الو صباح الخير

عمرو :- صباح النور يا روحى وحشتينى اوى رغم انى لسة سيبك فى الحلم

ياسمين :- ههههههههههه

ياسمين :- وكنت بتحلم بايه بقى ؟؟

عمرو :- بيكى انت وبس

ياسمين :- كل سنة وانت طيب يا عمرو

عمرو :- وكل سنة وانتى طيبة يا ياسمين ونفضل مع بعض
على طول لاخر يوم فى عمرنا

ياسمين :- يا ريت يا عمرو
على فكرة ماما جمبى وعاوزة تكلمك

عمرو :- اوك ماشى

مامتها :- ازيك يا عمرو

عمرو :- الحمد لله حضرتك عاملة ايه ؟

مامتها :- الحمد لله
كل سنة وانت طيب

عمرو :- هههههههه وحضرتك طيبة يا رب

مامتها :- انا عندى مفأجاة ليك

عمرو :- اه ما ياسمين كانت قايلالى بس مش راضة تقولى اى هى المفأجاة

مامتها :- طب انت فاضى النهاردة بليل

عمرو :- ولو مش فاضى اكيد افضى نفسى

مامتها :- طيب الساعة 7 استنانا قدام الدرس

عمرو :- اشمعنا

مامتها :- ها تعرف فى وقتها وعشان نشوف حل لموضوع باسم

عمرو :- اه اكييييد ( وانا كنت ناقص )

ويعدى النهار وطبعا عمرو لبس الحتة اللى ع الحبل وجلجل شعره ورش كالونيا
وحضر هدية جميلة جداااااا لاجمل بنت فى الدنيا
حبيبته اللى فضل يحلم بيها طول عمره ويشوفها فى احلامه خلاص
شاء القدر انه يجمعه بيها ويشوفها قدامه ذى الملاك
ما يقدرش يوصف لسانه اللى شايفاه عيونه لانه يفوق اى جمال شافه فى الدنيا
وقف قدامها مش عارف يقول ايه ؟؟ مش عارف يعمل ايه ؟؟؟
عاوز يبصلها وبس يمكن يشبع منها ..... مش عاوز يضيع ولا ثانية قدامها

ياااااااااااااه

كلام كتير جواه عاوز يقوله بس اكيد الزمن مش هيكفى حبه ليها
هى كمان كانت مش عارفة تنطق ولا كلمة
مش عاوزة ترفع عينها من عليه ..... عاوزة تعوض كل ثانية مش بيبقى قدام
عنيها ...... نفسها تقوله بحبك يا عمرو وياريت ماتبعدش عنى ولا ثانية
بس مش قادرة
ليه مش عارفة

وفجأة تنقطع لحظة الرومانسية ......

مامتها :- ازيك يا عمرو ( ده وقته يا شيخة )

عمرو :- الحمد لله حضرتك عاملة ايه ؟؟

مامتها :- كل سنة وانت طيب

عمرو :- وحضرتك طيبة

ياسمين :- كل سنة وانت طيب يا عمرو اتفضل
( لفة باين من شكلها انه دبدوب )

عمرو :- وانت طيبة يا ياسمين وبرده كل سنة وانت طيبه اتفضلى

و إداها هديته واديته هديتها
واتمشوا لحد كافيه

وهناك كانت المفاجأه.................

تتوقعوا تكون ايه المفاجأة ؟؟ ده اللى هتعرفوه فى الحلقة الجاية
الرجوع الى أعلى الصفحة اذهب الى الأسفل
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأحد 1 أغسطس 2010 - 17:56

الحلقه الثامنه
-----------------

كان فيه مفاجأه مستنية عمرو
كانت اخت ياسمين وصحبتها مروة
قاعدين وفيه تورتة جاهزة للشمع
طبعااا عمرو استغرب

عمرو :- ايه ده ؟؟

ياسمين :- ايه رايك فى المفاجأه بقى ؟؟

عمرو :- بقى كدا ما تقوليش

ياسمين :- كل سنة وانت طيب يا عمرو ويا رب كل سنة نبقى مع بعض

عمرو :- بحبك اوى يا ياسمين بموووووت فيكى

وراح عمرو مع ياسمين يطفوا الشمع
وهابى بيرث داى

وكله تمام والاكل كفى المعازيم والحمد لله
واقعد عمرو مع والدة ياسمين يتكلموا
وياسمين طبعااااا مضايقة لان المفروض اليوم ده يبقى عمرو معاها هى وبس

وعمرو قاعد على ناره وكل يبص لياسمين ونفسه يكلمها بس مش بايده

مامتها :- طب وانت ها تعمل اى فى موضوع باسم

عمرو :- بصراحة مش عارف .... بس عاوز اروح اكلمه وانا ها اقدر اقنعه

مامتها :- طب ازاى مش ها ينفع

عمرو :- لا انا ها اعرف بجد والله اتفاهم معاه
وبعدين ما هو كمان بيحب وحكيلى على كل حاجة

مامتها :- يعنى ما افتحش معاه الموضوع انا

عمرو :- يعنى شوية من عندى وشوية من عند حضرتك
....................
وماصدق عمرو ان والدة ياسمين انشغلت مع مروة
وجرى على ياسمين

ياسمين :- ما لسة بدرى خليك شوية كمان وانا سيبنى واقفة كدا لوحدى

عمرو :- طب اعمل ايه ما انا لازم كنت اتكلم مع مامتك

ياسمين :- كل ده كلام على ايه يعنى كل ده !!!!

عمرو :- لو ما كنتش مامتك كنت قولت من طريقة كلامك انك بتغيرى عليا

ياسمين :- انا بغير عليك من الهوا مش ها غير عليك من ماما
( ده الواد علقها بيه جامد جدااااااااا )
ولو اعرف اخليك ما تشوفش غيرى ها اعمل اى حاجة

عمرو :- طب ما انا فعلا ما بشفش غيرك
وبعدين تصدقى انا كنت لايمكن اتصور انك بالجمال ده

ياسمين :- ميرسى

عمرو :- على ايه ديه الحقيقة انت ما فيش حد فى جمالك

ياسمين :- مش يمكن انت بس اللى تكون شايف كداااا

عمرو :- كفاية عليا انى اكون الوحيد اللى فى العالم اللى يشوف الجمال ده
بزمتك مش يبقى ربنا بيحبنى لو خلانى من وسط الكون اللى يتمتع بجمال زى ده

ياسمين :- ههههههههههههههه

عمرو :- يا خرابى ده ايه السكر ده

ياسمين :- ههههههههه

على فكرة انا لايمكن انى كنت اتصور ان ممكن اقعد معاك فى مكان واحد ونتكلم
مع بعض

عمرو :- تصدقى بقى انى كنت بحلم باليوم ده
وكتير كنت اتمنى ولو للحظة انى اشوفك صدفة فى الشارع
مش انى اقعد معاكى واتكلم كمان

عمرو :- مش ها تريحينى بقى وتقولى بحبك

ياسمين :- لالالالالالالا

عمرو :- طب ليه كداااااا

ياسمين :- مش عارفة بسسسسسس بجد مش عارفة ليه !!!!!

عمرو :- طب لو قلتلك انى بموت فيك
وفى جمال عنيكى
ونفسى اسمع منك كلمة بحبك يا اغلى واحلى انسانة فى حياتى
ولو ما قولتليش دلوقتى بحبك ها يبقى ده اتعس عيد ميلاد ليا

ياسمين :- بقى كداااااا اتعيس عيد ميلاد وانا معاك

عمرو :- طب ما تكملى فرحتى وتريحينى وتقوليلى بحبك

ياسمين :- امممممممممم بحبك استريحت

عمرو :- ايه ؟؟؟!!!!!!!!
تاااااانى كدا

ياسمين :- بحبك والله العظيم بحبك انت وبس

عمرو :- يا لهوى ده انا ممكن اموت من الفرحة
تانى كدا الا اكون بحلم

ياسمين :- بحبك يا عمرو

عمرو :- بموت فيك يا ياسمين
يا روح قلب وعقل عمرو يا كل كيان عمرو

ياسمين :- بس كدا عشان انا دلوقتى اسعد انسانة فى الدنيا

عمرو :- لا طبعااااا عشان انا اسعد منك بكتيييييير اوى اوى اوى
واتمنى ان العمر يقف فى اللحظة ديه وما يمشيش
وافضل معاك بقيت عمرى كله

وفجأة النور يقطع ........ قصدى والدة ياسمين تطب عليهم فجأة وتقطع احلى
لحظة فى حياتهم

وعايزة اسمع رايكم فى الحلقه ده لانها حلقه جامده جداااااااااااااااااااا
الرجوع الى أعلى الصفحة اذهب الى الأسفل
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأحد 1 أغسطس 2010 - 18:01

انا هحط الحلقة الجديدة بس فى تنبيه الحلقة لا تصلح لزوى القلوب الضعيفة واللى بياخد دوا قلب يحضرله ههههههههههههههههههههههه اللهم بلغت اللهم فاشهد



::
الحلقه التاسعه ::

كنا وصلنا لاحلى لحظة رومانسية بين عمرو وياسمين
لحظة الحب والعشق بين الطرفين
اللحظة اللى قالت فيها ياسمين واخيرا لعمرو انها بتحبه وبتموت فيه ويمكن
اكتر كمان ما هو بيحبها ....

خلص اليوم بسرعة بالنسبة لياسمين( دايما اللحظات الحلوة بتخلص هوااا )

واول ما روحت اتصلت بعمرو
اتكلموا شوية وقالته ان ده كان احلى يوم فى حياتها وانها كانت اسعد انسانة
فى الدنيا عشان كانت مع حبيب قلبها وال انتظرته طول السنين يخطف قلبها

عمرو هو كمان كان اسعد انسان فى الدنيا
طبعا عمرو ما يقدرش يعدى يوم زى ده على كدا حب يشارك فرحته صحابه واللى
كانوا سبب فى انه يكلمها

اتصل بحودة والخطيب
واجتمعو
واتمشوا على البحر وحكالهم عمرو على اللى حصل......
وكانو فرحانين علشانو جدااااااااا
بيتمشوا على الكورنيش
وحودة كالعادة بيمارس موهبته فى فن معاكسة البنات

حودة :- شايف ياض البنت اللى ذى البدر اللى هناك ديه

الخطيب :- هههههههه ... يا عم سيبها ديه ماشية مع حمار بدل ما ييجى يضربنا

عمرو :- لا والنبى يا حودة مش طالبة نضرب النهاردة خااااااااااااالص

حودة :- يا جدعان ضرب ايه وبتاع ايه
ساعة الضرب ........الجرى نص الجدعنة

حودة .......الخطيب ....... عمرو
هههههههههههههههه

الخطيب :- انت بالنسبة لك الجرى كل الجدعنة

حودة :- يااااااااااااااا لهوى انت واخد بالك من الجيبة اللى هناك ديه

الخطيب :- ههههههههههههههههه
يبنى بس وجعتلى بطنى
هههههههههه

واستمر حودة على كدا طول السهرة وضحك وهزار
وعاش عمرو احلى يوم فى حياته واللى بيه تبدأ حياته

وتعدى الايام وتروح

وفى يوم كان اصعب يوم على قلب ياسمين
والساعة 8 بيرن موبايلها
شافت رقم عمرو جرت على الموبايل وبكل لهفة وشوق بترد

عمرو :- الو

ياسمين :- ازيك...................... وحشتنى

عمرو :- كويس ( صوت الواد متغير )

ياسمين :- مالك فيه ايه صوتك متغير !!!

عمرو :- لا ابدا مافيش

ياسمين :- لا فيه قول مالك عشان ما تقلقنيش عليك

عمرو :- فى موضوع كدا بس مش عارف اقول ايه ؟

ياسمين :- لا قول يا عمرو

عمرو :- ياااااااســـ مــــ ين

ياسمين :- نعم

عمرو :- احنا مش ها ينفع نكمل مع بعض

ياسمين :- نعم

عمرو :- اسمعينى بس للاخر وسيبينى اتكلم .............. انا عارف ان الكلام
اللى ها اقوله صعب عليكى ..................... بس انا اسف يا ياسمين

ياسمين :- عمرو انت عارف انت بتقول ايه ؟

عمرو :- سامحينى .................. ويارب تقابلى الانسان اللى يحبك اكتر
منى و يخاف عليكى ادى

ياسمين :- عمرو ليه كل داا......!!!!.....
بدأ صوتها يبان عليه دموعها

عمرو :- اسف سلام يا ياسمين
(((((((( وقفل السكة ))))))))

ياااااااااااااااااااااااااااااااااااااااا
اصعب لحظة فى حياه ياسمين .......... طبعا ما سكتتش .......اتصلت بيه تانى
كنسل .........وقفل الموبايل

جرت ياسمين ودموعها مالية عنيها على مامتها تقولها اللى حصل
ومش عارفة تتكلم ......... حاسة ان روحها بتطلع منها
الانسان الوحيد اللى حبته بيقولها ما ينفعش نكمل مع بعض وبدون سبب
طول اليوم عمرو قافل الموبايل
وبليل ...........

مروة صحبتها بتروحلها البيت وجواها كلام كتير مش عارفة تبدأه منين
............لقت ياسمين فى حالة عمرها ما شفتها فيها ولا كانت تتخيل انها
تشوفها كدا
ذى الاطفال بتبكى على حبيبها اللى راح منها............. بين يوم وليلة بعد
ما شافت معاه اسعد ايام حياتها

وكانت الكارثة الاكبر

مروة :- ما تبكيش عليه هو اساسا ما يستهلكيش

ياسمين :- انا بس عاوزة اعرف هو عمل كدا ليه ؟
مروة :- انسيه بقى ........... عمرو ما حبكيش ولا عمره ها يحبك

نزلت كلمات مروة على ياسيمن ذى الصاعقة
مش عارفة تقولها ايه ولا ايه

ياسمين :- فيه اى اللى حصل !

مروة :- عمرو لسة شايفاه هو والخطيب راكبين عربية ............
الخطيب سايق وعمرو قاعد هو وواحدة ورا

يااااااااااااااااااااااااااا
المصايب كلها بتيجى فى وقت واحد
حبيبها طلع بيخونها ......... لا ده حتى ما حبهاش ...........وفى اشد لحظات
احتياجها ليه ....... نسيها ومع واحدة تانية

اتجنت ياسيمن وعاوزة تكلمه باى طريقة
فكرت .......

اتصلت ب سلمى ( اخت صباحو كدب ) صاحبهم الرابع

ياسمين :- ازيك يا سلمى عاملة ايه ؟

سلمى :- الحمد لله مالك صوتك فيه حاجة متغيرة

ياسمين :- لا ابدا تعبانة شوية

سلمى :- لا الف سلامة عليكى

ياسمين :- محمد اخوكى موجود

سلمى :- محمد اخويا !!!!!! .......وانت عاوزاه ليه !!!!!

ياسمين :- موجود ولا لا ؟؟

سلمى :- لا مش هنا

ياسمين :- امال فين ؟

سلمى :- اكيد مع شلته هو وراه غيرهم

ياسمين :- انت تعرفيهم كويس يا سلمى

سلمى :- اه اخويا دايما بيكلمنى عليهم ..........ليه ؟؟

ياسمين :- بيقولك ايه

سلمى :- يعنى انهم على طول فى سهر وخروج وبنات فى الكلية وهزار وضحك ولعب
وكدا ........... عايشين حياتهم يعنى

ياسيمن بتكلمها وبتخبى دمعتها لا يبان عليها وبتقولها اوك ها اكلمك تانى
وتقفل السكة
ومامتها قاعدة جمبها وبتقولها

مامتها :- خلاص بقى اوعى تجيبى سيرته تانى .......انسيه زى ما نسيكى .. و
اوعى تندمى عليه...

ياسمين :- طب ليه يا ماما عمل كدا ؟ بقى ده ذنبى انى حبيته ؟

مامتها :- خلاص بقى ربنا يسامحه واهو عنده اخوات بنات

ياسمين :- بس انا متاكدة انه بيحبنى زى ما بحبه

مامتها :- كفاية بقى يا ياسمين اديه طلع كداب وابن
وكفاية لحد كدا والحمد لله انها جت على اد كدا ............

وبتسيبها وتمشى
وياسيمن ما تلاقيش حد يمسح دمع عنيها وتقعد تفكر فيه
معقول ما حبنيش .................. طب ازاى ده انا كنت حاسة كل كلمة
بيقولها ........طب ليه عمل كدااااا ... طب ليه قالى انه بيحبنى وضحك عليا
ليه ...... و ليه ...... وليه ...........؟؟؟؟؟؟؟؟؟
والف سؤال بيدور فى دماغها
وماحدش يقدر يجاوبها غير واحد بس
حبيبها عمرو
اللى ماحدش عارف هو فين دلوقتى

وووووووووووووووو
تخلص الحلقه التاسعه على اصعب مشهد فى حياه ياسمين صدمة حياتها فى
حبيب قلبها

واسمع الردود الحلوه ويا ريت نتناقش فى الحلقه وتقولولى هى عجبتكو ولا لا
الرجوع الى أعلى الصفحة اذهب الى الأسفل
د/محمود البحراوى
عضو فضى
عضو فضى
avatar

ذكر
عدد المساهمات : 686
نقاط : 16328
العمر : 29
العمل/الترفيه : vet

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأحد 1 أغسطس 2010 - 18:32

الحلقه التاسعه دى فظيعه والصراحه انا تاثرت بالحزن اللى فيه ياسمين واخونا عمرو ده طلع ندل امال بقى الكلام الحلو اللى كان بيسمعه لياسمين راح بسى انا مش قادر اتوقع هو ليه عمل كده علشان كده ياريت يا عاشقه ابو تريكه تنزلى الحلقه الجايه بسرعه وماتتاخريش زى المره اللى فاتت
الرجوع الى أعلى الصفحة اذهب الى الأسفل
محمد عنانى
مشرف المنتدى العامavatar

ذكر
عدد المساهمات : 1135
نقاط : 16710
العمر : 28

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأحد 1 أغسطس 2010 - 21:32

الحلقات جميلة بس قصيرة إلى حد ما ومش مليانه أحداث زى الحلقات اللى فاتت
بس الحلقه التاسعة دى اللى جميلة بجد
وأنا ما أعتقدش إن عمرو كان بيضحك عليها وأكيد فى سبب خلاه يعمل كدا ربما كلم باسم أخوها وباسم رفض الموضوع أو أهل عمرو دفعوه إنه يتراجع لكن أظن إنه هيرجع لها تانى بسرعه
nice topic
الرجوع الى أعلى الصفحة اذهب الى الأسفل
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الإثنين 2 أغسطس 2010 - 0:58

ميرسي أووووووووى لتوقعاتكم دى
وشكرا لمروركم الجميل اوى
الرجوع الى أعلى الصفحة اذهب الى الأسفل
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الإثنين 2 أغسطس 2010 - 1:06


ودى الحقة العاشرة تعويضا لتأخيرى
:: الحلقه العاشره ::

كنا انتهينا عند الفراق وازاى الفراق بيبقى صعب اوى اوى
وخصوصا للعشاق اللى بيحبه بجد وبيخلصوا لحبهم بجد من كل قلبهم

بس يا ترى عمرو
خاين
وكداب
وانانى
وضحك عليها وماحبهاش بعد كل ده !!
طب ليه عمل كل ده من الاول ؟؟
وليه سابها من غير حتى وداع ويقولها على سبب ؟؟!!
يا ترى ياسمين عملت حاجة غلط ؟؟
ياترى كان بيضحك عليها طول الفترة ديه ؟؟
.....

كل ديه اسئلة كانت بتدور فى عقل ياسمين بس بدون اى اجابة
ومش لاقية اللى يرد عليها

عمرو وقافل موبايله وكل اللى تسألهم عنه يحزروها منه
طب بعد ايه ؟؟؟؟؟؟
... بعد ما حبته من كل قلبها...

يلا نكــــــــمل

ها نسيب ياسمين واللى هى فيه
ونروح لعمرو
ونرجع لليوم اللى عمرو اتصل بيها وقالها انه خلاص مش ها ينفع يستمروا مع
بعض
اى اللى خلاه يعمل كدا ها نعرف دلوقتى
....................

والد عمرو :- بنت عمك جاية النهاردة ولازم تروح تجيبها من المطار

عمرو :- اشمعنا

والد عمرو :- ياعمرو انت عارف اشمعنا انت ؟؟!!
(( وده موضوع قديم اوى ومعروف فى المجتمع المصرى ومنتشر جدااااا ...ان لازم
ابن العم يجوز بنت العم عشان بنات العيلة ما تخرجش بره ))

وهما متربين من صغرهم مع بعض ... لكن عمرو ما بيحسش قدامها غير انها اخته
وبس ............وهى كمان زى اخوها

بس والد عمرها ووالدها مش شايفين كداااا

عمرو :- يا بابا احنا ها نتكلم فى الموضع ده تانى مش كان انتهى من زمان

والد عمرو :- يعنى ايه انتهى ديه بنت عمك وخطيبتك من وانت فى اللفة

عمرو :- طب وانا ذنبى ايه ؟ هى بالنسبة ليا مجرد اختى وبس
وبعدين انا فيه واحدة فى حياتى وبحبها وما اقدرش احب غيرها وعاوز اتقدملها

والد عمرو اول ما سمع الكلام ده اتجن اكتر واكتر

والد عمرو :- وديه بنت مين البرنسيسة ديه كمان اكيد واحدة ......... من
الشارع

والدة عمرو :- براحة الكلام ما يبقاش كدا عمرو مش صغير

والد عمرو :- افهم مين؟؟؟ ابنك عاوز يجننى

عمرو :- يا بابا انا حر وده مستقبلى وانا بحبها وهى بتحبنى ومتفقين على كل
حاجة

والد عمرو :- يعنى ايه متفقين .... ها تكسر كلمتى .... انا ابوك واعرف اكتر
منك
انت لسة صغير وما تعرفش حاجة

عمرو :- لا انا مش صغير وعارف مصلحتى كويس وبعدين ان حر فى انى اختار شريكة
حياتى

(( وفى جزء اقل من الثانية ))

ينزل الم على خد عمرو

والد عمرو :- ها تعمل اللى انا عاوزه وها تنفذه

(( عمرو بيدخل اوضته ويقفل الباب ))

وعشان ما حدش عارف اى حاجة فى اى حاجة ........... ودايما الاب والام
بيحسوا ان ابنهم ده لعبة فى ايديهم يشكلوها ذى ما هما عايزين ..........وما
لهمش حق حتى فى اختيار شريكة حياتهم ولا مستقبلهم

ويستمر النقاش قصدى العراك بين عمرو ووالده وكانت مامته بتقنع عمرو انه
يسمع كلام والده اختصار للمشاكل .......

اخد والد عمرو الموبايل من عمرو ........ واجبره على الاتصال وانه ينهى كل
حاجة ..........ولما عمرو رفض شاط الاب اكتر واكتر

ووالدة عمرو ما بقتش عارفة تعمل ايه ؟؟؟
خايفة على عمرو وما ينفعش تكسر كلمة والده .......... اقنعت عمرو انه يتصل
ويقول الكلام اللى عمرو قاله ......... ووعدته انها تقف جمبه ........
وتساعده بس لما الامور تهدى

وتحت الحاح الجميع
اضطر عمرو انه يتصل ويقول الكلام اللى عمره ما اتخيل انه ممكن ينطقه وكانت
كل كلمة بتطلع منه ...... وكأن روحه بتتسحب بيموت كل مرة بينطق فيها كلمة
وداع

اخد والد عمرو من عمرو موبايله
واتصل بالخطيب صحبه عشان ييجى ياخد عمرو ويروح المطار يجيب بنت عمه
وانه يحاول يقنعه انه يدور على مستقبله وانه لسة صغير ..... ولسة ها يقابل
كتير

راح عمرو وهو شايل هموم الدنيا وعمال يفكر فى ياسمين
وياترى بتقول عليه ايه دلوقتى .. ؟؟؟؟

اقنعه الخطيب انه يهدى ويستنى يمكن مامته تعرف تعمل حاجة وبلاش انه يسابق
الامور

عدى يومين ولسة المشكلة ما اتحلتش
اتصل عمرو ب ياسمين من موبايل صحبه
وكانت النتيجة متوقعة
.....

عمرو :- الو

والدة ياسمين :- ايوة مين

عمرو :- انا عمرو يا طنط

والدة ياسمين :- عمرو .............. انت لسة ليك وش تتصل هنا

عمرو :- طب ممكن افهم حضرتك اللى حصل

والدة ياسمين :- لا مش عاوزة افهم اى حاجة
وياريت تنسانا وتنسى ياسمين وما تحاولش تتصل هنا تانى ابدا
وسيبها فى حالها وكفاية اللى شافته منك

عمرو :- طب .....

والدة ياسمين :- خلاص يا عمرو ما ينفعش الكلام
ياسمين خطوبتها كمان اسبوع
( ياااااااااااااااااااااااااااااااا لهوى )

عمرو :- نعم

والدة ياسمين :- زى ما سمعت وما تحاولش تتصل هنا تانى من فضلك

والدة ياسمين :- سلام

اتجن عمرو وكره دنيته وحياته بعد ما سمع الكلام ده ...... عاوز يروح يرمى
نفسه فى اى حتة ويختفى من الدنيا ...... ما خلاص اللى حبته فى الدنيا راحت
وضاعت من ايده
وبسبب ايه ...... ؟؟
حاجة مش بايده

كان هاين على عمرو انه يولع فى الدنيا ها يموت من حزنه عليها قلبه بيتقطع
على حبيبة قلبه
ولولا انه كان معاه صحبه هدوه....... الله اعلم كان اى اللى ها يحصل

الخطيب :- يا عم انت اهدى بس اهدى شوية

عمرو :- اهدى ايه انت مش شايف مامتها قالت ايه ؟؟

الخطيب :- يا عمر وانت ايه اللى يخليك تصدق....... ما يمكن بتقول كدا عشان
تبعدك وتخليك ما تتصلش تانى

عمرو :- لا لا لا لا لا

عمرو :- عاوز اشوفها عاوز اكلمها
مش قادر ها اتجنن

معقول ها يبعد عنها معقول مش ها يشوفها تانى !!
معقول ها تبقى لحد غيره !!
معقول تنساه بالشكل ده !!
معقول بعد ما القدر يخليه يشوف سعادة الدنيا وما فيها !!
يخليه اتعس انسان فى الدنيا !!
معقول القدر يلعب معاه ويدمر حياته !!

يا ترى ها اعيش لمين من بعدك يا ياسمين !!
بيقولها عمرو بكل حسرة والم وشوق وجراح

الخطيب :- يا جدع اهدى بقى حرام عليك مش كدا

الخطيب :- طب استنا انا ها اعرفلك كل حاجة

(( الخطيب بيتصل باخوها على موبايله ))

الخطيب :- الو باسم

باسم :- ايوة

الخطيب :- انا الخطيب ............ازيك يا باسم

باسم :- الحمد لله

الخطيب :- انا كنت عاوز اقابلك دلوقتى ضرورى

باسم :- ليه ؟؟

الخطيب :- عاوزك بس فى حاجة ضرورية

باسم :- عشان عمرو صح ؟؟

الخطيب :- ايه ده انت عرفت

باسم :- اه عرفت كل حاجة وعيب اللى عمرو عمله ده على فكرة

الخطيب :- يا عم طب انا عاوز اشوفك دلوقتى وها افهمك كل حاجة

باسم :- تفهمنى ايه ؟؟

(( ويخطف عمرو الموبايل من الخطيب ))

عمرو :- ايوة يا باسم انا عمرو وعاوز اشوفك دلوقتى

باسم :- اهلا يا عمرو ماكنش العشم يا عمرو ده احنا اصحاب

عمرو :- ماهو عشان اصحاب يبقى لازم اشوفك دلوقتى

باسم :- انتم فين ؟؟

عمرو :- انت فين واحنا نجيلك

اتقابلو هما التلاتة

وكان رد فعل باسم غريب جداااااااا
بس .....


_________________
ها نعرف فى الحلقه ال 11
الرجوع الى أعلى الصفحة اذهب الى الأسفل
The Infintude
مشرف المنتدى العامavatar

انثى
عدد المساهمات : 1022
نقاط : 16274
العمل/الترفيه : dr_vet

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الإثنين 2 أغسطس 2010 - 1:38

لأ المرادي جامده مووووووووووووووت بحق

أنا أظن ان باسم هيساعد عمرو وبالذات انه بيحب وعارف يعني ايه حب وفراق
وأكيد شايف اخته حالها عامل ازاي

بس في حاجه دلوقتي بقي قليل قوي ان الأب يغصب ابنه ع حاجه وبالذات لو كان جواز
دا دايما متوقع من أهل البنت اللي مازال بيحصل لحد النهارده

بس فعلا حلوه قوي
ماتتأخريش في الحلقه الجايه
[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الثلاثاء 3 أغسطس 2010 - 2:19

ميرسي يا جميل لردك الجميل

امممممممممم فعلا بتحصل كتير سواء من دة او من دة

وياترى باسم هيساعدة فعلا ولا دة مجرد توقع

كل دة هنشوفة فى الحلقات اللى جاية


نورت التوبيك
الرجوع الى أعلى الصفحة اذهب الى الأسفل
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الثلاثاء 3 أغسطس 2010 - 2:39

:: الحلقة الحادية عشر ::


وندخل بسرعة وبدون مقدمات عشان المفأجات..؟؟

وصل عمرو والخطيب وباسم وتقابلواا هما التلاتة
اتكلموا كتير اوى

اقنع عمرو باسم انه فعلااا نيته كويسة وانه عاوز يتقدم لاخته وانه عمل كل
ده عشان بيحبها وكان عاوز يتاكد الاول من مشاعرها........ ويصارحه بعديها
وان كل اللى حصل ده مش بايده
طب بعد اييييييييييه ....... قالها باسم وهو قاصد كل حرف فيها
بعد ايه .... يا ريتك كنت فهمتنى من الاول ويا ريت اللى حصل ده ما كنش حصل

عمرو :- ليه فى ايه اللى حصل ؟؟ وبدأت نبضات قلب عمرو تتزايد .... قلبه
بيدق فى الثانية الف مرة .. حاسس ان حبيبته ها تضيع بجد المرة ديه

اكد باسم لعمرو ان والده بعد ما عرف الحقيقة ان ياسمين بتكلم واحد من وراه
....... غصب عليها انها لازم توافق على العريس ( ابن صاحبه ) وانها لو رفضت
يبقى تاخد امها وتسيب البيت !!!!

ماكنش فيه حاجة فى ايد ياسمين غير انها توافق وخلال يومين كل حاجة كانت
اتحددت المهر .. الشبكة .. الخطوبة ... حتى ميعاد الفرح اتحدد
كل ده حصل بين يوم وليلة
كل ده حصل ازاى
وامتى وفين ؟؟

كل ده بسبب حاجة هما الاتنين ما لهمش ذنب فيها غير انهم حبوا بعض من قلبهم
بس ما يعرفوش ان نهاية حبهم ها تبقى على ايد القدر اللى ذى ما جمعهم صدفة
.... صمم انه لازم يفرقهم برده صدفة

اتجنن عمرو اكتر واكتر ... وما عرفش يعمل ايه غير انه جرى على البيت زى
المجنون

عمرو :- مش انت قولتيلى انك ها تقفى جمبى وها تساعدينى فين كلامك دلوقتى
ياسمين خلاص ها تتخطب وانتم السبب
ولو حصل والله لموت نفسى وانتم بقى عيشوا بقية حياتكم ندمانين ...... ولا
ليه تندموا وانتم اساسا مش حاسين بحاجة ... مش عارفين يعنى اى حب ....
مفكرينى لسة صغير....... لا انا مش صغير واخترت شريكة حياتى وانتم اللى ها
تضيعوها من ايدي وعمرى ما هاسامحكم على اللى عملتوه فيا.....

قالها عمرو وهو مش حاسس بحاجة غير دموعه على خده ومامته بتحضنه ومش حاسة
بنفسها ومش مصدقة اللى بتسمعه .........

اخدت رقم بيت ياسمين من عمرو
واتصلت بوالدة ياسمين وصممت انها لازم تقابلها

وقابلتها وفهمتها كل حاجة حصلت وانها على استعداد انها تروح لوالد ياسمين
وتشرحلوا كل حاجة ...... وتفهمه ان والد عمرو على استعداد انه يقابله
...... لانه استحالة يقدر يشوف عمرو بالحالة ديه ... ووصفتلها اد ايه عمرو
حزين وليل ونهار ماعندهوش سيرة غير ياسمين وقافل اوضته عليه وعامل ذى
الاطفال وانها عمرها ما شفته بالمنظر ده قبل كدا ... بس للاسف .........

شرحتلها والدة ياسمين اد ايه والدها صعب جدااااااا ... وانه استحالة يخسر
صحبه بعد ما اتفقوا تقريبا عل كل حاجة ........ وان ديه قسمة ونصيب ...
وانها سعيدة بمعرفة عمرو ووالدة عمرو وان اللى فيه خير يقدمه ربنا ... وان
كان ليه نصيب فيها ماحدش يقدر ياخدها منه وانها ها تعمل اللى عليها وربنا
معاها.......

والدة عمرو كانت بتسمع الكلام ده ومش عارفة هى ها توصله ازاى لعمرو ....
وياترى عمرو ها يعمل اى لما يسمع كلام زى ده.....

وما قدرتش والدة عمرو تقول الكلام ده لابنها بس هو فهم كل حاجة من غير ما
تقوله بمجرد انه بص فى عنيها وشاف دموعها

فهم عمرو انه خلاص ما لوش نصيب فى ياسمين .... بس من جواه رفض الاستسلام
اتصل بياسمين وكان من جواه نفسه يسمع صوتها لاخر مرة ...... نفسه يكلمها
لاخر مرة بس مش نفسه يقول وداع .... كان من جواه متاكد ان ياسمين عمرها ما
ها تبعد عنه وان استحالة الحب ده كله يضيع فى الهوا
كل جزء من جسمه ها يفضل فاكر ياسمين ..... لان مش قلبه بس اللى حبها .

اتصل عمرو بياسمين
وسمع صوتها وكانه اول مرة يسمعه سامع نبض قلبها .. سامع دمع عنيها ...
وبيرد قلبه عليها وبيقولها ما تخفيش يا ياسمين ... عمرنا ما ها نبعد عن بعض
.. حتى لوافترقنا ها يفضل قلبى فاكرك

ياسمين :- بحبك يا عمرو وخايفة ابعد عنك .... خايفة يبعدونا عن بعض واحنا
ما صدقنا نلاقى بعض .... خايفة ابقى لانسان تانى غيرك

عمرو :- ما تخافيش يا ياسمين واوعى تقولى كدا تانى انا ها افضل معاكى لاخر
لحظة فى عمرى
وعمرى ما ها سيبك تضيعنى منى ابداااا ولو وقفت قدام الدنيا كلها

بكى عمرو وبكت ياسمين وكانت دموعهم هى ضحية هواهم ... بس اكيد القدر مش ها
يبعدهم عن بعض ابدااااااا .....وتمر الايام وتفوت وقلب عمرو مجروح ومش عارف
يكلمها ومش فى ايده اى حاجة يعملها.... وبعد ايااااام بسيطة جدااااااا

بيسمع عمرو ان خطوبة ياسمين النهاردة ...... معقول اكيد ده بيحلم اكيد ده
حلم مش علم .....

اصحاب عمرو حاولوا انهم يخففوا الصدمة عليه شوية بس كانه كان عارف من جواه
ان ده ها يحصل وكان مستنيه وكأنه مستنى الموووووت
حاولوا انهم يمنعوا بس عمرو صمم انه لازم يروح الخطوبة ويعمل اى حاجة ...

صحابوا خافوا عليه ...

الخطيب :- اكيد انت مجنون

عمرو :- انا ابقى مجنون لو سبتها تضيع من ايدى ... لازم اعمل اى حاجة

وبعد طول نقاش بينهم قرر عمرو انه لازم يروح بس اكيد صحابو مش ها يسيبوا فى
يوم ذى ده

وفعلاااااااااااااااااااااا راح عمرو الخطوبة ودخل القاعة بس كانت فيه
مفأجاه

وفجأأأأأأأأأأأأأأأأأأأأأأأأأه !!!!!!!!


خلصت الحلقة كده على فكرة [ندعوك للتسجيل في المنتدى أو التعريف بنفسك لمعاينة هذه الصورة] يالا سمعونى ردودكم بقى يا حلوين
الرجوع الى أعلى الصفحة اذهب الى الأسفل
د/محمود البحراوى
عضو فضى
عضو فضى
avatar

ذكر
عدد المساهمات : 686
نقاط : 16328
العمر : 29
العمل/الترفيه : vet

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الثلاثاء 3 أغسطس 2010 - 4:20

ايه الحلقه اللى كلها حزن ونكد دى الله يخرب بيت الحب وسنينه هههههههههه
فعلا حلقه جامده
الرجوع الى أعلى الصفحة اذهب الى الأسفل
عاشقة ابوتريكة 22
عضو جديد
عضو جديد
avatar

انثى
عدد المساهمات : 57
نقاط : 15073

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الثلاثاء 3 أغسطس 2010 - 11:16

هههههههههههههههههههههه

ميرسي يا جميل لمرورك
الرجوع الى أعلى الصفحة اذهب الى الأسفل
The Infintude
مشرف المنتدى العامavatar

انثى
عدد المساهمات : 1022
نقاط : 16274
العمل/الترفيه : dr_vet

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الثلاثاء 3 أغسطس 2010 - 19:43

لأ حرام عليكي انا قلبي أتوجع قوي
ماظنش ان عمرو هيعمل حاجه لأن اللي بيحب بجد مايعرفش يأذي حبيبته لا من قريب ولا من بعيد
بس
ممكن تكون المفجأه ان ياسمين تهرب من الفرح

مستنيه الحلقه الجايه
[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
metcho
مشرف القسم الرياضىavatar

ذكر
عدد المساهمات : 908
نقاط : 17005

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الثلاثاء 3 أغسطس 2010 - 21:31

يعنى اية اللى يحب بجد مايعرفش ياذى حبيبتة دى حالة خاصة لو سابها تتخطب لحد تانى يبقى كدة فعلا اذاها لانها هتعيش باقى عمرها فى نكد انا لو مكانة اخش اكسر القاعة على اللى فيها واخدها ونمشى
اما المفاجأة ياعاشقة ابو تريكة انا حاسس ان اللى ياسمين هتتخطبلة ممكن يكون حد نعرفة ولا اية
الرجوع الى أعلى الصفحة اذهب الى الأسفل
The Infintude
مشرف المنتدى العامavatar

انثى
عدد المساهمات : 1022
نقاط : 16274
العمل/الترفيه : dr_vet

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأربعاء 4 أغسطس 2010 - 0:33

ولو عملت كدا يبقي بدمرها وبدمر سمعتها وسمعه أهلها وممكن باباها يعاند ويرفض أكتر
يبقي انت كدا أذيت حبيبتك
والبنت عمرها ماهتتخطب الا اذا كان في ضغوط عليها جامده وان الخطوبه هيا الحل في الخلاص من المشاكل
الرجوع الى أعلى الصفحة اذهب الى الأسفل
metcho
مشرف القسم الرياضىavatar

ذكر
عدد المساهمات : 908
نقاط : 17005

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأربعاء 4 أغسطس 2010 - 14:04

باباها ممكن يعاند اة بس المهم انى امنع الخطوبة انتى عارفة يعنى اية انها تتخطب لحد تانى ومفيش حاجة اسمها حل للمشاكل الامانة والاحترام تمنعة من انة يعرف بنت مخطوبة حتى لو لسة بيحبوا بعض معاكى ان دة فية فضيحة ليهم لكن مادام ان منطقهم من الاول هو الغصب يبقى مش مشكلة
الرجوع الى أعلى الصفحة اذهب الى الأسفل
new_moon
عضو فضى
عضو فضى
avatar

انثى
عدد المساهمات : 736
نقاط : 16705
العمر : 29

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأربعاء 4 أغسطس 2010 - 15:45

اممممممممممممم

لطيفه اوى الحلقات كملى
الرجوع الى أعلى الصفحة اذهب الى الأسفل
new_moon
عضو فضى
عضو فضى
avatar

انثى
عدد المساهمات : 736
نقاط : 16705
العمر : 29

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأربعاء 4 أغسطس 2010 - 16:29

اممممممم انا معاك ياد/ميتشو

بس اكيد الواحد بيبقى عايز يعمل حاجات كتيره جدا

بس ساعت التنفيذ مبيقدرش

هو ممكن يكون عايز كده بس اعتقد مش هيقدر

الرجوع الى أعلى الصفحة اذهب الى الأسفل
metcho
مشرف القسم الرياضىavatar

ذكر
عدد المساهمات : 908
نقاط : 17005

مُساهمةموضوع: رد: يوميات عمرو و ياسمين اجمل قصة حب حقيقى قصة رائعة ..:: متجدد ::..   الأربعاء 4 أغسطس 2010 - 17:24

ماشى يا د\اهلوية بس دة يختلف من شخص لشخص
الرجوع الى أعلى الصفحة اذهب الى الأسفل
 
يوميات عمرو و ياسمين اجمل قصة حب حقيقى قصة رائعة ..:: متجدد ::..
الرجوع الى أعلى الصفحة 
صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
نيوفيت newvet  :: سلة المهملات :: القصص والروايات-
انتقل الى:  
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
Powered by
phpBB Version2
Copyright ©2010 - 2011, Jelsoft Enterprises Ltd