لكل من اراد بيع الموبايل الخاص به

لكل منا خصوصياته التى لايود ان يطلع عليها احد وفى ظل التطور التكنولوجى الذى نشهده ظهرت تلك الموبايلات بشتى انواعها تلك الاداة العظيمة التى تحولت الى نقمة بفعل البشر نعم اصبحت نقمة عظيمه انا لا اتحدث عن فراغ حدث مشهد امامى لم اصدق اذنى ولا بصرى اليكم الموقف فى طريقى الى المنزل فى المواصلات كان الى جوارى احدهم وكان يتحدث مع اخر ول شراء تلك الهواتف فسمعت ماهو ات الاول بيفهم التانى على اساس انه يعنى بيفهم المهم بيقوله لما تشترى موبايل اشترى موبايل بنت ماتشتريش موبايل راجل فالتانى علشان يتعلم يعنى بيقوله ليه يعنى قاله الاول اكيد البنت دى مصورة نفسها وصحباتها ع الموبايل واكيد فى حاجات خاصه كتير قاله طيب هما بيحذفوها قاله عندى برنامج يرجعها كانها لسه متصورة دلوقتى وبحالتها سمعت الكلام دا من هنا وقلت ف نفسى سبحان الله الموبايل اتعمل علشان الاتصال والبرنامج اللى الاخ بيتكلم عليه برنامج اتعمل لاستعادة الملفات المحذوفه واسمه باك اب ولكن نرى البشر يستغلون تلك التكنولوجيا العظيمه ف الاضرار ببعضهم البعض وكنت سابقا قد شاهدت احد البرامج التليفزيونيه اعتقد انه العاشرة مساءا او 90 دقيقه يتكلم عن هذه النقطه ومشاكل كتير وقعت بسببها

الخلاصه

عند بيعك للموبايل تاكد من ازالة الميمور والتخلص منه او الاحتفاظ به

تاكد تماما انك لاتخزن اى صور او فيديوهات خاصه على الموبايل نفسه

تاكد ان الاسماء والارقام مخزنه على الخط وليس على الهاتف

وف الختام ادعو الله ان يحفظ اعراضنا واعراض بناتنا ونسائنا ويحمينا من كل كيد دامت بيوتكم عامرة بالامن والامان