الحلقة الرابعة من كرسى الاعتراف

ايوة ايوة ايوة وسعولى بقى احنا مشرفين وكروين زى بعض وهنعرف نتفاهم كويس جارى التفتيش والتنقيب عن اسئلة

هاااااااااااااااااااااااااااااااااا واخيرا
وقعت تحت ايدى يا جميل
اولا والسؤال اللى مستنيه اجابته من الترم اللى فات
ساعه الاهلى مين جيبهالك
هههههههههههههههه
ثانيا لو خطيبك طلع زملكاوى هتعملى ايه
ثالثا ايه اللى ناويه تعمليه لما تتخرجى ان شاء الله
رابعا ايه اللى اتعلمتيه من باباكى ومامتك او اى قدوه عندك فى البيت وناويه تعلميه لولادك
خامسا مفيش حاجه تانيه كفايه عليكى كده والسؤال الاول اهم حاجه عشان نعرف السر الخفى
سلاموزززززززززززززز

بصى انا هسال اسئلة سهلة ومباشرة ومش هتطلع من الكتاب
1\بتشجعى الاهلى من امتى ومن وجهة نظرك لية معظم البنات مش بيشجعوا كورة او بيتفرجوا على الرياضة عامة زى الولاد
2\لو تقدم لخطبتك اتنين واحد اهلاوى متعصب وواحد زملكاوى متعصب هل ممكن يكون لدة دخل فى اختيارك ولا عادى زى حالاتى
3\ناوية بعد ماتتخرجى تشتغلى ولا زى لؤلؤة ماقالت انها غالبا هتتجوز وتقعد فى البيت
4\اخبار المقلوبة اية

عذرا للتأخير....النت كان بيعبر عن غضبه شوية
.......

اولا لؤلؤه:

عيب اوى يالو ءا يعنى احنا بنات زى بعضينا بلاش نخبط فى بعض عشان شكلنا بس ..هههههه

لو خطيبك طلع زملكاوى هتعملى ايه
لو خطيبى طلع زملكاوى ( انا واثقه انه هيبقى زملكاوى لان دعوة الام لاترد و ماما خيرها عليا كتير والحمد لله هى زملكاويةجدا لذلك دايما تدعى عليا ربنا يرزقنى بواحد زملكاوى ع طووووول ( اصلها بتحبنى شوية) بس اللى واثقه منه اننا هنتسلى ع بعض يعنى اصل لو احنا الاتنين بنشجع الاهلى هتبقى رخمه لازم حد يذل التانى
بس انا عن نفسى مبحبش حد يشوف معايا ماتش كوره الا لو كان اهلاوى غير كده مع نفسه بقى يبقى يتفرج عليه ع القهوة [ندعوك للتسجيل في المنتدى أو التعريف بنفسك لمعاينة هذه الصورة]
اصل الانسان مبدأ

ثالثا ايه اللى ناويه تعمليه لما تتخرجى ان شاء الله
لم احدد حتى الان والله
بس اللى واثقه منه انى عمرى مهشتغل فى المعامل والحاجات دى ولا حتى شركات الادوية ( ع اساس ان الشركات مقطعه بعضها عشانى يعنى )
والله معرفش بس بقول ان شاء الله هحدد انا عايزه ايه فى خامسه
بس انا عايزه احضر دراسات فى قسم معين يفيدنى فى الحياه العمليه البناتى يعنى دواجن كده يعنى الله اعلم

رابعا ايه اللى اتعلمتيه من باباكى ومامتك او اى قدوه عندك فى البيت وناويه تعلميه لولادك
امممممممممممم ......سؤال صعب
اولا بدعى ان ربنا يرزقنى بزوج متفاهم زى بابا ده كفايه انه راضى ان ماما زملكاوية
اللى اعلمه لولادى
اذا ربنا اكرمنى ان شاء الله هعلمهم ازاى يحبوا بعض اعتقد دى اهم حاجه

واما اشوفك ياالاء ليا حساب تانى معاكى [ندعوك للتسجيل في المنتدى أو التعريف بنفسك لمعاينة هذه الصورة]

ثانيا : ميتشو
طبعا يادكتور ميتشو كما يقال : " الانسان يولد على الفطره اهلاوى ".
الصدمه بقى : انا اصلا كنت بكره الماتشات وبمجرد الاقى ماتش شغال فى البيت تجيلى حاله عصبيه واقلب القناه او اسيب الاوضه وانا صغيره كان اللى يقولى بتشجعى مين كنت استنى اشوف مين اللى هيكسب واقوله انا بشجع كذا.ههههههه

فجأة وبدون سابق انذار صرت اشجع الاهلى
اما من امتى بالظبط من بعد ماجوزيه جه بسنتين بالظبط وزاد حبى ليه لما محمد عبد الوهاب الله يرحمه مات....وزاد وزاد وزاد وتغلغل لما الاهلى خد التالت ع العالم

اساسا فى اى حاجه بتحصل فى الاهلى سواء فوز او فوز هههه بحس ان اللاعيبه زى مايكونوا اهل او صحاب مفيش الضغائن اللى بتبقى موجوده من المنافس اللى بيلعب معاك فى نفس المركز وان كانت موجوده بنسبه ضئيله
زائد ان كل لاعب بيبقى شايل مسئوليه انه بيمثل النادى الاهلى الا من رحم ربى
بمعنى ان كل واحد لو استضافوه فى برنامج او حتى يقول اى كلمه دايما كلامه دبلوماسى ومحدش بيرد ع حد واللى ياعينى بيتظلمو وهيموتو عشان بيلعبوا بيكتموا جواهم مبيشتكوش...شايلين سمعة النادى ع اكتافهم مش زى الزمالك مثلا لم يستقر حتى الان بسبب الموضوع ده

لكن ادارة النادى طبعا يعنى اه احب فيها استقرارها بس طبعا هى ادارة يعنى شركة يعنى كل مصلحتها الفلوس وقربوا يدخلو الخطيب معاهم فى العمليه
كل اللى اقصده
انا ماليش علاقه هم بيكسبوا كام ولا اللاعيبه بتاخد ايه انا بستمتع لما بشوف ماتشات اكتر من انى اشوف مسلسل او كده وده يكفينى يعنى بشجع الكوره الحلوة زى مابيقولوا ولما
بشوف حد بيلعب كويس فى الزمالك بيعجبنى عادى يعنى هم مش كفره

ليه البنات مش بيشجعوا؟؟؟ والله دلوقتى مع منتخب مصر مش هتقدر تغمض عينيك كله بقى بيشجع

2\لو تقدم لخطبتك اتنين واحد اهلاوى متعصب وواحد زملكاوى متعصب هل ممكن يكون لدة دخل فى اختيارك ولا عادى زى حالاتى
اولا ده مش مقياس نهائى
موضوع الجواز ده مشروع حياة يعنى لو مش اتبنى ع اساس صح يبقى بالسلامه
ولو الواحد ربنا كرمه بحد بيحبه يبقى كويس اوى بس يحبه بمعنى الكلمه يعنى تفاهم اخلاص ووووو بس الكلمه بقت سهل تتقال بمعنى ان الولد بمجرد مايحس انه معجب ببنت يقولها بحبك
بس احيانا جواز الصالونات بينتهى بحب فالبنت متتخيلش انها لو اتجوزت بالطريقه دى تبقى فشلت فى حياتها يعنى كل شىء نصيب

3\ناوية بعد ماتتخرجى تشتغلى ولا زى لؤلؤة ماقالت انها غالبا هتتجوز وتقعد فى البيت
والله نفسى يااااااااااااااااااااريب حد يكره انه يقعد فى البيت مرتاح كده ويتصرف عليه ده احلى احساس انك تحس ان حد انت مسئول منه ولو فى حاجه بسيطه زى اكلك وشربك
وبحمد ربنا انى مطلعتش ولد بجد الله يكون فى عونكو
وانا مع لؤلؤه طبعا فى كلامها
بس المشكله ان بلدنا والحمد لله ميه ميه والزمن اللى احنا فيه بيفرض على الانسان يشتغل
وانا باذن الله لو ربنا اكرمنى بزوج كويس اكيد هحب اساعده بدل مايشيل حمل لوحده
بس لو الموضوع هيأثر على مسئولياتى كزوجه اقعد فى البيت ماله يعنى

4\اخبار المقلوبة اية[
[ندعوك للتسجيل في المنتدى أو التعريف بنفسك لمعاينة هذه الصورة] منا قلتلك رأيى قبل كده مبحبش اللحوم
والفراخ بسيط برضه مش اوى
هى لو لحمه مفرومه يبقى اوك


[ندعوك للتسجيل في المنتدى أو التعريف بنفسك لمعاينة هذه الصورة]

be patient silent killer here

رايحه على فين استنى انا موجود الامتحان معايا لازم يبقا صعب الخلاصه انى اكتر رقم هو بحبه هو الرقم 3 علشان كده هسالك 5 اسئله بس
الاول / ازاى عرفتى المنتدى ؟ وايه اللى عاجبك فيه؟ وايه اللى مش عاجبك؟
التانى / ايه اكتر موقف مضحك اتعرضتى ليه ؟ واكتر موقف محرج مريتى بيه؟
الثالث / لو انتى المدير تحبى تحذفى مين من اعضاء المنتدى وتحبى ترقى مين؟
الرابع / لو قدامك فرصه ان العمر يرجع بيكى لورا زى مانتى عايزه تحبى يرجع بيكى لحد امتى وليه؟
الخامس / بما انك مابتحبيش اللحمه فياريت توصف لينا اكتر اكله بتحبيها وبتتعمل ازاى ؟
وكفايه كده علشان بس انتى اهلاويه مش اكثر

fill in the blanks
#اسعد ساعات يومك وانت بتعملي................
#اسعد لحظة عدت في حياتك....................
#اكتر لحظة حرج....................
#اقرب وابعد هدفين
واحد في اقرب وقت وواحد على المدى البعيد
#رايك في الشخصيات التالية
عمرو خالد
عماد متعب
عمرو زكي

اسئلة غريبة بس مش عارف
ممكن يكون فيها حاجة مهمة
thanks>>>>>>>>>

هو انا اغيب يومين ارجع الاقى كل ده

انا قلت متركزوش فى الاسئله

عمتا جاارى الرد باذن الله

ايه ده انا افتكرت حد مسجل جديد اسمه كده

خير خييييييييييير

الاول / ازاى عرفتى المنتدى ؟ وايه اللى عاجبك فيه؟ وايه اللى مش عاجبك؟
عرفته لما حصلت المشكله اياها فى المنتدى اياه وبصراحه انا عن نفسى اتدايقت من اللى حصل

ايه اللى عاجبنى فيه زى مالكل عارف تحس اننا اخوات بالظبط

اللى مش عاجبنى بقى هو انى حتى الان مش عارفه احط صورة توقيع ليا للاسف الشديد
جايز المشكله تكون فى الجهاز بتاعى الله اعلم

التانى / ايه اكتر موقف مضحك اتعرضتى ليه ؟ واكتر موقف محرج مريتى بيه؟
هههههههههههههههه خلال الترم ده فى موقف مضحك ومحرج مع بعض ومن قريب الحمد لله
كنت رايحه مع اصحابى للدكتور تامر ناخد الكتب العملى بتاعتنا فصاحبتى ملقتش كتابها معاه فالدكتور بيقولها انا مش لاقى الكتاب قالتله" ليه يادكتور منا مسلماه مع ال تييييييييييييت دى" وشاورت عليا
معرفش الدكتور خد باله ولا ايه بس انا مخدتش بالى انى اتشتمت خالص وفطست من الضحك انا وكل الى واقفين

الثالث / لو انتى المدير تحبى تحذفى مين من اعضاء المنتدى وتحبى ترقى مين؟
احذف مين احذ ف مين
لا انا مش هحذف حد انا هحذف قسم الزمالكاوية من هنا ههههههههههههههههه

ارقى مين "طبعا ارقى الدكتتوره أهلاوية جدا نظرا لمجهودها الغير عادى فى المنتدى
هههههههههههههههههه
ارقى مين ارقى مين والله الكل كويس
بس د/جمال عامل شغل عالى بجد فى المنتدى وهو احق حد حتى الان
ايوه مهو الموضوع يحتاج شوية نفاق برضه عشان العمليه تمشى هههه

الرابع / لو قدامك فرصه ان العمر يرجع بيكى لورا زى مانتى عايزه تحبى يرجع بيكى لحد امتى وليه؟
نفسى يرجع بيا لزمن الطفوله طبعا
ليه ؟ لا مش لانى معشتش طفولتى
دنا حاسه انى عشت طفولتى اكتر من اى حد دول كانوا بيشدوا منى العجله بتاعتى شد عشان مركبهاش تانى لما بقيت فى تانيه اعدادى تالته اعدادى حاجه كده
بس نفسى الزمن يرجع بكل مافيه وبنفس ااغانى الاطفال اللى كنا بنسمعها وكل حاجه ياااااااااااااه حاجه جميله بجد

الخامس / بما انك مابتحبيش اللحمه فياريت توصف لينا اكتر اكله بتحبيها وبتتعمل ازاى ؟
ايه ده مين قال كده
اه انا صح
احيانا باكلها لو كانت لحمه مفرومه بس لكن الكفته والكبده والحاجات دى نوووووو

افضل اكله بحبها " الجلاش باللحمه المفرومه"
بتتعمل ازاى
لازم تتعبونا يعنى ونحكى حاضر امرى لله
بص ياسيدى انت تعصج اللحمه عندك بالبصل والملح والفلفل الاسود والحاجات دى وتسيبها ع جنب
وبعدين تجيب صينيه نص كيلو كيلو ع حسب الجلاش اللى عندك وعدد اللى هياكلو
انا بعمل نص كيلو
المهم تكون عندك جلاش بيتباع فى علبه كده هو بيبقى نص كيلو بالظبط وتدهن الصينيه بالسمنه تكون مسيحها وسايبها فى طبق عندك
وتبتدى تفرد الجلاش فى الصينيه طبقه طبقه او طبقتين طبقتين وممكن تحط بين كل شوية طبقات سمنه برضه من اللى انت مسيحها وفيه ناس مبتحطش عادى يعنى
لغاية ماتبقى تقريبا خلصت نص كمية الجلاش تبتدى تفرد اللحممه المفرومه بشكل متساوى فى الصينيه وتحط عليها طبقات الجلاش وتكمل لغاية ماتخلصهم كلهم وبعدين تقطعم بالطول مربعات كده زى ماتحب وبعدين تجيب طبق وتحط فيه لبن يعنى كوبايه كده وعليها بيضة وفلفل اسود وتضربهم كويس وتحطهم ع االصينيه من فوق وتسيبها تشربهم
فى ناس بتحط بدل اللبن شوربه وبدل الجلاش رقاق عادى يعنى ببتحصل متتخضش هههه
بس تسخن الفرن فتره وبعدين تحطها وهى تلت او نص ساعه وبتتعمل بس درجة حرارة 160 او 180 متزودش متوسط يعنى عشان تستوى متعليش عليها ممكن تعلى عليها فى اخر خمس دقايق بس


بس كده شفت سهله خالص بس انا هعذرك لو مفهمتش لانى مبعرفش افهم حد حاجه ولا اشرح لحد حاجه

انا طبعا اتعلمت الاكله دى من كتر مابطلبها من ماما فماما بدورها احتجت وبالتالى غصب عنى اتعلمتها وشكرا


[ندعوك للتسجيل في المنتدى أو التعريف بنفسك لمعاينة هذه الصورة]

ازيك يا اهلاويه يارب تكونى بخير طبعا انا عارفه انك مزنوقه ف الاسئله بس اعمل ايه لازم اسال بس هسال اسئله خفيفه اوك ؟
السؤال الول / ايه اكتر انسان تفرحى لما تشوفيه؟ وليه؟
التانى / ايه اغلى هديه عندك وقريبه من قلبك ؟ وليه؟
وكفايه عليكى كده بقا وربنا يوفقك يارب

ها يلا بينا انتى داخله اللجنه
من غير مقدمات اتفضلى ورقة الاسئله وماتبصيش جنبك يلا بينا
السؤال الاول بيقول ايه اكتر يوم حبيتى الحياه فيه واكتر يوم كرهتى الحياه فيه؟
السؤال التانى بيقول لو اتحطيتى ف موقف محرج بتعرفى تطلعى نفسك فيه ولا؟
السؤال التالت والاخير انتى لو اتجوزتى واحد زملكاوى وحب يخليكى تشجعى الزمالك هتوافقى ولا بس خلى بالك دا مستقبل بيت متوقف على كده؟
وكفايه عليكى كده وتقبلى مرورى؟ سلام

ايه دا كله ياجماعه امال فين صاحبة الكرسى هههههههههه المهم يعنى جت عليا خدى بقا سؤالين
انتى بتحبى الكليه ولا؟ وليه دخلتى بيطرى؟ وايه اسمى امانيكى بعد التخرج كفايه عليكى يابخت من زار وخفف؟

#اسعد ساعات يومك وانت بتعملى..بطاطس مقليه اصلى بحبها اوى اكتر من الجلاش باللحمه المفرومه
اسعد لحظة عدت في حياتك لما اطلع الرخصه باذن الله

#اكتر لحظة حرج كتييييييييييييير
....................
#اقرب وابعد هدفين
واحد في اقرب وقت وواحد على المدى البعيد
اقرب هدف انجح واعدى اسنه دى
ابعد هدف احقق مكانتى فى المجتمع سواء بشغل او بدراسات اعملها وف نفس الوقت يكون معايا زوج بيقدرنى ويساعدنى وبيحبنى اكيد

#رايك في الشخصيات التالية
عمرو خالد: طبعا مفيش كلام يتقال غير انه انسان محترم
بس اللى مش بحترمه ان شيوخ انصار السنه اللى بسمعهم وبقدرهم كلهم علماء بجد
بيهاجموه كتير معرفش ليه معرفش ايه اللى تاعبهم منه
بيستنولو الغلطه معرفش ليه
مره يقولوا ده اصل المحاضرات بتاعته فى بنات بتروح تحضرها بشعرها طب وهو ماله هيقف ع الباب بتاع القاعه يعدى المحجبه واللى بدقن والباقى لا انتو كخه اطلعوا بره عليكم غضب الله
وسمعت مره شيخ بيقول هم الشباب بيسمعوه هو واحنا كبار فى السن وحشين
ياسيدى انت اللى يهمك ان الدعوة توصل ولا اللى يهمك نفسك وانك تتسمع وتتشاف اكتر من غيرك
اللى ملاحظاه ان كل انصار السنه سواء شيوخ او ناس عاديه بيكرهوا عمرو خالد ومش ذنب الناس المشكله فى الشيوخ هم المسئولين امام ربنا انهم كرهوا الناس فيه وهيحاسبوا على كل واحد مبقاش بيسمع عمرو خالد بسبب كلامهم

يللا ربنا يهدى الجميع

عماد متعب.... كويس بس منحوس مبيتفكش نحسه غير قدام عبد المنصف يللا ربنا يشفيه
هههه ويرجع عبد المنصف
.
عمرو زكي ممتاز بس لااتمنى وجوده فى الاهلى( حلو كده)

[ندعوك للتسجيل في المنتدى أو التعريف بنفسك لمعاينة هذه الصورة]

انا الحمد لله بخير يارب تكونى انتى كمان بخير
انا عارفه انك مزنوقه ف الاسئله
اه يابنتى والمصحف انا بنهج من كتر الاسئله
وبعدين مش شرط تسألى يعنى كان كفايه عليا ازيك هههههههههههه


السؤال الول / ايه اكتر انسان تفرحى لما تشوفيه؟ وليه؟
سوسن سابقا او نانسى حاليا( اصل انا لازم اتابع التقدم)
هو واحد معانا فى الكليه مش دفعتنا عامل فيها بنت وبيلبس زى البنات بفرح لما اشوفه لدرجة انى ببقى نفسى امسك طوبه واخبطه بيها
كل ماشوفه بحس باشمئزاز
اكتر حاجه بتستفزنى الولاد اللى عاملين فيها بنات دول
والظاهره تفشت فى الكليه كمان ربنا يستر

التانى / ايه اغلى هديه عندك وقريبه من قلبك ؟ وليه؟
كان قلب مقسوم نصين فى ميداليه كانت صاحبتى الله يرحمها ادتهالى نص مكتوب عليها حروف اسمها ونص عليه حروف اسمى
والتانيه
سنادة قلم جنبها قبه كده زى مايكون معموله من الكريستال مش ازاز شكلها جميل جدا كانت واحده صاحبتى من ايام ثانوى كانت بتدرس فى السعوديه جابتهالى بس للاسف اخويا الصغير كسرها زمان ربنا يسامحه

وكفايه عليكى كده بقا وربنا يوفقك يارب
ربنا يخليكى يارب
[ندعوك للتسجيل في المنتدى أو التعريف بنفسك لمعاينة هذه الصورة] ]

السؤال الاول بيقول ايه اكتر يوم حبيتى الحياه فيه واكتر يوم كرهتى الحياه فيه؟
السؤال الاول معداش عليا والتانى بصراحه حصلى

السؤال التانى بيقول لو اتحطيتى ف موقف محرج بتعرفى تطلعى نفسك فيه ولا؟
اه الحمد لله بقلب الموضوع ضحك وخلاص بتعدى يعنى

السؤال التالت والاخير انتى لو اتجوزتى واحد زملكاوى وحب يخليكى تشجعى الزمالك هتوافقى ولا بس خلى بالك دا مستقبل بيت متوقف على كده؟
لييييييييييييييييييييييييييييييييييييييييه يعنى
هى وقفت ع الاخ ده يعنى
وهل فى فتره الخطوبة مقدرتش اكتشف انه متعنت لرأيه مثلا
بص هو مش هيأمرنى اشجعه دى حاجه من القلب وانا مبشجعش الزمالك
انا ممكن اتجنب اكلمه فى الكوره او انام مثلا لو فيه ماتش للزمالك او اخرج انما مش هشجع الزمالك

ورأيى سورى ده موضوع تافه
ولو هو اشترط عليا حاجه زى كده سورى لتانى مره يبقى اهبل او عقله فيه حاجه

للدرجة دى يعنى مثلا مبقاش فيه مشاكل بينى وبينه مثلا فبيألفلى حاجه يدايقنى بيها
لازم يكون فيه تفاهم اكتر من كده يعنى

ده جواز مش لعبه زى مابيقولوا

وكفايه عليكى كده وتقبلى مرورى؟
اى خدمه يادكتور

[ندعوك للتسجيل في المنتدى أو التعريف بنفسك لمعاينة هذه الصورة]

هيييييييييييييييييييييييييييه خلصت الاسئله ]

لا انا مش هحذف حد انا هحذف قسم الزمالكاوية من هنا ههههههههههههههههه
عمرو زكي ممتاز بس خساره فى الزمالك
شكراااااااااااااااااااااااااااااااااااااااااااااااااااااااااااااااااااااااااااا(لا تعليق)

the snake"]
انتى بتحبى الكليه ولا؟
اكيد و متمناش ابقى فى كليه غيرها خلاص يعنى

وليه دخلتى بيطرى؟
اكيد التنسيق ...بس بصراحه انا مكانش فى بالى طب ولا كنت هم وت وادخل صيدله
انا كنت بزاكر وخلاص بس مش عارفه عايزه ايه لذلك لما جالى بيطرى مزعلتش اوى زى اى حد فينا انا مكنتش عايزه اى حاجه فمزعلتش

وايه اسمى امانيكى بعد التخرج
اولا احضر ماجيستير فى حاجه حاباها متفهمش ازاى بس ربنا قادر على كل شىء
وبعدها او قبلها اتخطب لانسان كويس احبه ويحبنى بس

[ندعوك للتسجيل في المنتدى أو التعريف بنفسك لمعاينة هذه الصورة]

metcho"

نيابة عنى وعن كل الاهلاويين بعتذر عن اللى قلته
متزعلش ياكابتن ميتشو الزمالك على عيننا وعلى راسنا
وبعدين طالما فيه اهلى لازم يبقى فى زمالك مينفعش نحذفه يعنى [ندعوك للتسجيل في المنتدى أو التعريف بنفسك لمعاينة هذه الصورة]

انا قلت مش هتاخد بالك
ههههههههه

يللا حصل خير بقى يادكتور متزعلش

[ندعوك للتسجيل في المنتدى أو التعريف بنفسك لمعاينة هذه الصورة]

دانت الخيط والبكره
[ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم
وبه نستعين والصلاة والسلام على أشرف المرسلين سيدنا محمد وعلى آله وصحبه أجمعين أما بعد
ما تتخضيش أوى كده أنا مش هخطب ولا حاجه دول شوية أسئلة صغيرة
بما إنك بنوته أهلاويه هنراعى فيكى الحته ديه ومش هنضغط عليكى فى الأسئله
أولا ايه هما أوحش تلات حاجات عندك فى الدنيا ؟
وثانيا إيه هما أجمل تلات حاجات عندك فى الدنيا ( أكيد يعنى )( ايه اللى أنا بقوله ده ) المهم
وثالثا ده سؤال اوبن بوك إنتى إيه رأيك فى الحكومه ولو توليتى رئاسة الجمهوريه إيه الحاجه اللى عايزه تغيريها وإيه الحاجه اللى عايزه تعمليها ( سؤال جاد جدا ) أيوه
أما رابعا و خامسا فأنا كنت حاططهم جنبى هنا مش عارف راحو فين المهم أول ما ييجو هبعتهملك

وطبعا أنا مش بقول إن البنات أو النساء أقصد يمكن أن يتولو رئاسة الجمهوريه لأنه لا يجوز شرعا لقول النبى صلى الله عليه وسلم " لا يفلح قوم ولوا أمورهم إمرأه " صدق رسول الله صلى الله عليه وسلم
بس أنا بقول تخيلى لأن رأيك أكيد يهم مصر وعلى فكرة هيا باعتالك السلام معايا وبتقولك خدى بالك منها وما تفرطيش فيها لأن زى ما هيا غاليه عندك إنتى كمان غاليه عندها

ههههههههههههههه الله يسلمك

ع فكره انا متمناش ابقى رئيسة لو الموضوع يجوز شرعا لانى واثقه انى مش هعرف انام اصلا انا بستغرب ازاى الروؤساء بيناموا
لو افترضنا ان زوجى هو اللى رئيس.........هرفض برضه
لذلك مش هقدر اتوقع حاجه مش هتحصل
بس اللى واثقه منه انى هخلص البلد من المسئولين الفاسدين فى كل المجالات

من ناحية بقى بحب مصر
عادى اكيد هى المكان اللى اتولدت وعشت فيه وصعب اتعود على غيره ومش هلاقى ناس زى المصريين ابدا
بس الواحد مبقوق من اللى بيشوفه
وفى حاجه اغرب انى لما بتفرج ع ماتش منتخب مبحسش انى بشجع مصر عادى ولا بفرح لما نكسب عادى جدا بس اكيد متمناش حد يكسبنا
لكن صعب اغير مشاعرى من الاهلى لمصر متفهمش ازاى ويوم ماحسن شحاته خد من الاهلى لاعيبه عشان يلعبوا فى المنتخب وضيع مننا الكاس لما اضطرينا نلعب بالناشئين كرهت المنتخب ووووووو فخلينا ساكتين احسن

محمد عنانى


أولا ايه هما أوحش تلات حاجات عندك فى الدنيا ؟
اوحش تلات حاجات هم حاجتبين
اولا الاحساس بالقهر او الظلم وده بحسه كتير
ثانيا انى لسه لغاية دلوقتى معرفتش انا عايزه ايه سواء مستقبلى كبنت او كفرد من المجتمع
عندى امل باذن الله الاقى هدفى ده

وثانيا إيه هما أجمل تلات حاجات عندك فى الدنيا؟
[ندعوك للتسجيل في المنتدى أو التعريف بنفسك لمعاينة هذه الصورة] بجد بجد
لما اشوف واحده صاحبتى فرحانه بحاجه او انى اساعدها انها تعمل حاجه بتحبها
ثانيا لما اساعد ماما بمجرد ماتضحك بحس انى ملكت الكون بجد بتصعب عليا مسئولياتها شغل وبيت وتعب بجد الله يكون فى عونها
ثالثا لسه والله معرفتش ايه اللى بيفرحنى
بس حاليا اكتر حاجه بحبها انى يكون بالى مرتاح ومحدش زعلان منى

تالت سؤال جاوبت عليه اى خدمه
[ندعوك للتسجيل في المنتدى أو التعريف بنفسك لمعاينة هذه الصورة]

تــــــــــــــــــــــــــــــــــــــــــــــــــــــــــم بحمد الله