عذرا لدخولى المزعج

جنه هل هناك تغير فى درجة الحرارة او نبض الدم

اولا متشكرة ليك كتير على ردك
ثانيا انا للاسف مش اعرف اقيس حرارتة ونبضه ازاى

بس هو دلوقتى جسمه حرارته عاديه من مجرد اللمس

اولا انا اسف ان انا نسيت ارحب بيكى ف المنتدى ومش مهم انك تبقى من كليتنا عادى خالص احنا بنرحب بيكى
طبعا لازم نعرف درجة الحرارة والنبض او هل انتى غيرتى الاكل بتاعها ولا ايه يعنى لو ماكنتيش تعرفى الحاجات دى ياريت دكتور بيطرى يشوف الحاله او لوممكن تجيبيه الكليه عندنا وهما يشخصولك الحاله ولتانى مره ارحب بيكى ف منتدانا وياريت تشاركى معانا فمنتدانا مفتوح للجميع

متشكرة ليك كتير على الترحيب المشجع جزاك الله خيرا
انا من اسكندرية مش ينفع اجى
ومش غيرت له الاكل بتاعه وحرارته غالبا طبيعية بس مش ليه نفس لاى اكل هى دى المشكله
هل الامر يتعلق بدواء فاتح للشهية فقط انا ظننت ذلك
شكرا لردك جزاك الله خيرا

طيب هل هيه فى طلب للذكر؟

هو ولد
تقصد الزواج ؟
اذا كنت تقصد الزواج فلا اعتقد لان مفيش دلالات

اوك ممكن تستنى لبكره بس هتاكد من الدكاتره عندنا وابلغك ان شاء الله وشرفينا دائما بالحضور

انا متشكرة اوى لحضرتك وربنا يجعله فى ميزان حسناتك على محاولة الترفق بروح ربما تتألم
ان شاء الله هنتظر واحضر فى المنتدى بإذن الله فذلك يشرفنى
السلام عليكم

يا ألف مرحب بيكى يا أختنا
المنتدى ليس للبياطره فحسب بل هو لكل من يريد أن يتمتع بالعلم سواء العلم الشرعى فى الأقسام الإسلاميه أو الدراسه البيطريه



وبعدين مجرد المشاركه والحوار وإكتساب صداقات هنا فى المنتدى شئ ممتع جدا وخصوصا لأن أعضاءنا
متابعين للمنتدى بإستمرار ومابيتغيبوش عنه كتير


أما بالنسبه للقط فأنا واثق إن الدكتور جمال هيقوم بالواجب وبعدين هوا ليه دلال على الدكاتره بتوعنا شويه فهيفيدوه وهوا هيفيدك وأكيد إحنا كمان هنستفيد
وربنا يجزيكى خير على الإهتمام لأمر هذه الروح وألف شكر للدكتور جمال لإسراعه فى تلبية دعوة الأخت الكريمه وجزاه الله عنا خير الجزاء


ومرة تانيه ألف مرحب بيكى فى المنتدى

الف شكر ليك ياعنانى ع الكلام الحلو ده وبجد انا سالت الدكتور صبحى استاذ دكتور مادة الباطنه وقالى ان الامتناع عن الاكل ده ليس مرض بل هو عرض بمعنى ان فى امراض كتير ممكن تسبب الحاجه دى وقالى ممكن يبقا بتطلعلو سنان فيكونفيه فقدان للشهيه واى اضطراب ف وظائف الجسم او الم اول اعراضه هو الامتناع عن الاكل اى لابد من زيارة للطبيب البيطرى حتى يتمكن من تشخيص حالة القط وياريت بسرعه لان انتى ماتعرفيش ايه الحاله بالظبط ممكن تبقا خطيرة وممكن تبقا سهله يارب اكون بلغت معلومه

اهلا بيكى وربنا يشفى القط بتاعك بس مش قلتى اسمه ايه مش هنعرف نعالجه بس نتعرف على اول حاله على المنتدى
واهلا بيكى وسط طلبه طب بيطرى جامعه الزقازيق

اهلا بيكى منوره المنتدى والف سلامه على سيلفر وربنا يخلهولك

انا حسه ان انا فى الكليه دى لا اعرف شىى فى العملى وان ما ادرسه لا يجدى شى فى ا لشغل العملى واكون خريج لا اعرف شى هل تتفقوا معى ارجو الرد