نيوفيت newvet
أحمد بيصلي 303fpd11
تحية طيبة زائرنا العزيز نرجو منك االتسجيل معنا على منتدانا او التعريف بنفسك اذا كنت عضو

مع تحيات ادارة المنتدى
نيوفيت newvet
أحمد بيصلي 303fpd11
تحية طيبة زائرنا العزيز نرجو منك االتسجيل معنا على منتدانا او التعريف بنفسك اذا كنت عضو

مع تحيات ادارة المنتدى
نيوفيت newvet
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

نيوفيت newvet

| الطب البيطرى الحديث | الاطباء البيطريين |
 
الرئيسيةأحدث الصورالتسجيلدخولدخول

 

 أحمد بيصلي

اذهب الى الأسفل 
2 مشترك
كاتب الموضوعرسالة
روضة الجنان
عضو مشارك
عضو مشارك
روضة الجنان


انثى
عدد المساهمات : 163
نقاط : 26021
العمر : 35

أحمد بيصلي Empty
مُساهمةموضوع: أحمد بيصلي   أحمد بيصلي Icon_minitimeالأحد 23 يناير 2011 - 8:51

أحمد بيصلي


استغفـر الله العظيـم

......
إستووا.. إعتدلوا.. إستقيموا يرحمكم الله


الله أكبر..
__________

أحمد ركز بأه في الصلاة وبلاش تسرح، طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية...... إيه بس وبتاع إيه


الله أكبر
_______



أحمد ركز يا أحمد، طيب ماأنا مركز أهوه، مركز إيه طيب إنت قريت سورة إيه؟
أنا قريت سورة اللهب شفت بأه أنا مركز إزاي؟ لألأ دي كانت سورة الفيل
سمع الله لمن حمده
________________
ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد
اللي كانوا بيتكلموا عنه إمبارح، بيقولوا عليه أكله حلو، بس هو في شارع
إيه؟ لما أخلّص الصلاة أتصل بالتليفون أعرف العنوان
الله أكبر
_______
هيا الساعة كام دلوقتي؟ زمانها أربعة وخمسة، على فكرة هيا الساعة التانية
الجلد كنت حطيتها فين؟ آه.. ياإما في الدرج ياإما في الدولاب، دولاب ايه
بس يا أحمد ركز ياأحمد إنت بتصلي، أستغفر الله
الله اكبر

أهوه أنا مركز أهوه، إنظر لمكان السجود وركز في الأيات اللي بيقولها
الإمام
الله أكبر
_______
الشيطان ده أعوذ بالله بيخلي الواحد يسرح، مش هو الشيطان بيتسلسل في
رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا
تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية
وفي مصر الأحد غريبة أوي الحكاية؟ طيب لو واحد على الحدود ورجل بره ورجل
جوه يصوم ولامايصومش؟ أحمد.

شفت أهوه إنت رجعت تسرح تاني
الله أكبر
_______
هو إحنا في الركعة الكام؟ يعني هانقوم ولا هانقرأ التشهد؟ لا دي التانية،
طيب أقولك إتأخر شوية وشوف الي جنبك هايقوم يقف ولا يقعد يقرأ التشهد
الله أكبر
_______
أيوه دي الركعة التانية، شفت بأه عشان سعادتك عمال تسرح، لأ خلاص أعوذ
بالله من الشيطان الرجيم
الله أكبر
_______

السجادة دي مريحة ولونها حلو، هيا سجادة ولا موكيت، لاموكيت بنسيج السجاد،
آه على فكرة إبقى إفتكر تكنس السجادة اللي في البيت بالمكنسة، بس لازم
أنضف كيس المكنسة عشان بقالي مده مانضفتوش
الله أكبر
________


الراجل اللي جنبي ده، رجليه بتزق في رجلي، طيب أحرك رجلي شوية، الله ده
بيلزقها فيا تاني، أستغفر الله
الله أكبر
________
فيه صوت موبايل، الناس دي ليه مش بتقفل الموبايل ساعة الصلاة.. مش عارفين
ان ممكن ده يخلي الواحد مايركزش في الصلاة مع إن فيه يافطة محطوطة على
الباب مكتوب عليها إغلق الجوال من فضلك وعليها صورة موبايل عليه علامة
إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة
دي؟ آه أنا عايز أبقى أغير الرنة، فاكر الموضوع اللي كتبته عن رنات
الموبايل
الله أكبر
______


الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك


السلام عليكم ورحمة الله
_____________________


السلام عليكم ورحمة الله
____________________



إيه هيا الصلاة خلصت ؟


السلام عليكم ورحمة الله


السلام عليكم ورحمة الله


أستغفر الله العظيم


هذا ما يفكر به أحمد ... فبماذا تفكر أنت
؟؟؟؟؟؟؟؟؟؟؟؟؟؟؟

منقوووووووووووووول للإفاادة
الرجوع الى أعلى الصفحة اذهب الى الأسفل
محمد عنانى
مشرف المنتدى العاممحمد عنانى


ذكر
عدد المساهمات : 1135
نقاط : 26785
العمر : 34

أحمد بيصلي Empty
مُساهمةموضوع: رد: أحمد بيصلي   أحمد بيصلي Icon_minitimeالأحد 23 يناير 2011 - 10:29

ربنا يرزقنا الخشوع
فعلا فى الصلاه الشيطان بيظل يراود الإنسان عن بعض الأفكار ويعرضها أمامه ويدفعه دفع للتفكير فيها لكن كان أحد الطيبين أسدانى بعض النصائح للخشوع فى الصلاه ولقيتها بتجيب نتيجه .
أولا النيه ................
ثانيا أحسن الوضوء كما كان يتوضأ رسول الله صلى الله عليه وسلم .
ثالثا إستشعار لفظة الله أكبر عند آدائها أى أنك تشهد أن الله أكبر من كل ما قد يشغلك عن لقائه فى صلاتك لذلك نرددها كثيرا فى الصلاه .
وبعدين لو الواحد فضل يشغل نفسه فى الصلاه ويسأل نفسه أنا مركز ولا مش مركز ويلوم نفسه ده فى حد ذاته لهو فى الصلاه وانصراف عن لقاء الله .
ربنا يرزقنا الخشوع .
الرجوع الى أعلى الصفحة اذهب الى الأسفل
 
أحمد بيصلي
الرجوع الى أعلى الصفحة 
صفحة 1 من اصل 1
 مواضيع مماثلة
-
» أحمد عز....... ونكتة الموسم
» محاضرات الدكتور أحمد البحيري
» حتى سئمتنى الأحزان. ل........... أحمد الصاوى
» ليرس يجدد رغبته فى التعاقد مع أحمد حسن
» أحمد السيد رفضت عرض الزمالك حباً فى الأهلى

صلاحيات هذا المنتدى:لاتستطيع الرد على المواضيع في هذا المنتدى
نيوفيت newvet  :: سلة المهملات :: القصص والروايات-
انتقل الى:  
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
Powered by
phpBB Version2
Copyright ©2010 - 2011, Jelsoft Enterprises Ltd