نيوفيت newvet
التهوية فى عنابر الدجاج 303fpd11
تحية طيبة زائرنا العزيز نرجو منك االتسجيل معنا على منتدانا او التعريف بنفسك اذا كنت عضو

مع تحيات ادارة المنتدى
نيوفيت newvet
التهوية فى عنابر الدجاج 303fpd11
تحية طيبة زائرنا العزيز نرجو منك االتسجيل معنا على منتدانا او التعريف بنفسك اذا كنت عضو

مع تحيات ادارة المنتدى
نيوفيت newvet
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

نيوفيت newvet

| الطب البيطرى الحديث | الاطباء البيطريين |
 
الرئيسيةأحدث الصورالتسجيلدخولدخول

 

 التهوية فى عنابر الدجاج

اذهب الى الأسفل 
كاتب الموضوعرسالة
د/ جمال العيسوى

المدير العامالمدير العام
د/ جمال العيسوى


ذكر
عدد المساهمات : 1306
نقاط : 28322
العمر : 35
العمل/الترفيه : دكتور بيطرى

التهوية فى عنابر الدجاج Empty
مُساهمةموضوع: التهوية فى عنابر الدجاج   التهوية فى عنابر الدجاج Icon_minitimeالأحد 2 يناير 2011 - 9:22

التهويه من العوامل الهامه جدا جدا فى مزارع الدجاج وعلشان نعرف اهميه التهوية لازم نعرف ايه الى هايعود على الطيور وكمان الانتاج وكمان المربى لما تهويه العنبر تكون تمام ومفيهاش اى اخطاء او مشاكل .

لما العنبر يكون تهويته كويسه :
1- ده هايعود على الطيور نفسها داخل العنبر بالنفع لانها هاتكون فى بيئه جيده بعيدا عن الامونيا العاليه وسوء التهوية وده هايعود عليها بالنفع فى زياده الاقبال على العلف والمايه وبالتالى
زياده نشاطها وحيويتها وزياده قدرتها الانتاجيه سواء كان زياده فى الوزن
بالنسبه لدجاج التسمين او انتاج البيض فى دجاج البياض والامهات .-


2-
تقليل فرصه الاصابه بالامراض التنفسيه الى ممكن توثر على صحه القطيع بالسلب
وتقلل الانتاج سواء كان لحم او بيض ولازم نعرف ان اى مشكله تنفسيه بتحصل
وخصوصا المزمن منها زى مشكله المرض التنفسى المزمن بيكون السبب فى ظهوره هو
سوء تهويه العنبر على المدى الطويل ولازم اعرف ان المشاكل التنفسيه من
الحاجات الى الادويه بتاعها غاليه جدا خصوصا لو فى ماء الشرب اوحقن فى
الاعمار الكبيره وبالتالى سوف يزيد استهلاك الدواء وزياده تكاليف مصروفات
الدوره .


3- تجليد الفرشه حيث ان سوء التهوية وتكتيم العنبر بشكل كلى خصوصا فى الفتره الاولى من العمر خوفا على
الكتاكيت من السقعه والحراره المنخفضه يودى الى زياده الرطوبه وتجليد
الفرشه مما يزيد من مشاكل العرج والكوكسيديا وايضا تلف الفرشه الى ممكن مع
الوقت تبوظ ونجى نبعها بخساره فى نهايه الدوره .


طيب ازاى احكم انا هل التهوية فى العنبر كويسه بشكل جيد وله مش كويسه ؟

لازم
افهم حاجه ان الاحساس بالحراره والتهويه داخل العنابر بيحتاج الى حس داخلى
من المربى او الشخص الى بيكون داخل المزرعه ومع الوقت هو بيقدر يعرف هل التهوية تمام وله لا بس فى شويه حاجات هانقدر نعرف بيها هل التهوية تمام وله لا ؟

1-
اولا ريحه الامونيا المفروض انى ما اشمهاش خالص داخل العنبر فلو دخلت عنبر
ولقيت ريحه نفاذه ده دليل على زياده نسبه الامونيا وبالتالىى سوء التهوية .

2- الاحظ وجود التهابات فى اعين الطيور وممكن اعين مغلقه دليل على التهوية السيئه .
3-
ادخل العنبرالاقى الفرخ كانه على الرغم من ان الفراخ مش تعبانه وبمجرد فتح
الشبابيك او الستاير زياده الاقى الفراخ بدات تقوم وتتجه للمعالف والمساقى
وده اكبر دليل ان التهوية مش مضبوطه .

4- اخيرا انى ادخل العنبر اسمع صوت كخه وطشمه وفراخ بتفتح فمها للتنفس ده معناه وجود مشكله تنفسيه وبالتالى برده التهوية انت احد اسباب ظهور المرض التنفسى عامل مساعد .

اهميه التهوية وبشكل بسيط هو دخول وخروج :
دخول هواء جديد فيه اكسجين جديد لازم لتنفس الطيور .
خروج ثانى اكسد الكربون الناتج من تنفس الطيور وخروج الامونيا والعفار والاتربه والرطوبه الزايده والحراره الزايده .

طيب يه الحاجات الى ممكن توثر على التهوية وممكن عملها للحصول على تهويه جيده :
1-
عرض العنبر كتير ما بندخل العنابر بنلاقى ان عرضها 3 باكيات بس يعنى تقريبا
12 متر لانه من الناحيه الهندسيه المعماريه دىالمسافه المناسبه لحركه
الهواء من الجانب البحرى للجانب القبلى الجانب البحرى هو الجانب الى بيدخل
منه الهواء والجانب القبلى الى بيخرج منه وبفرض لو العرض اكبر يبقى لازم
يتم عمل مراوح شفط لشد الهواء ناحيه الاخرى .

2- اتجاه المزرعه فى حاله بناء مزرعه مفتوحه يعنى هاعتمد على الستاير فى التهوية مش مغلقه لازم يتم تصميميها انها تكون عموديه على اتجاه الرياح يعنى لها
بحرى يدخل من هالهواء وقبلى للخروج بس طبعا ده مش مهم فى العنابر المغلقه
الى مفروض تكون موازيه لاتجاه الرياح علشان حركه الشفاطات

3-
دايما بنشوف المزارع الكبيره محزمه المزرعه من الخارج ومن بعد بحزمه من
الاشجار والهدف منها منع تيارات الهواء المباشره ومساعده فى التهوية

نظام التهوية هناك فرق فى اسلوب التهوية بالنسبه للعنابر المغلقه والعنابر المفتوحه :
العنابر المفتوحه :
هى عنابرتعتمد فى تهويتها على الستائر او الشبابيك التى تكون من البلاستيك او من
اشوله العلف حيث يتم التحكم فى كميه الهواء الداخله من الجانب البحرى عن
طريق الستائر التى تكون من الناحيه البحريه والقبليه ويتم رفعها وتنزيلها
عن طريق ونش فى خارج العنبر ولابد دائما ان يكون مستوى البحرى اقل من
القبلى والقبلى اعلى لتجنب عمل تيارات هوائيه داخل العنبر ولانه فى مستوى
واحد لن يتم حركه الهواء بشكل جيد من الناحيه البحريه الى القبليه .


فى
حاله وجود الشبابيك كنظام للتهويه يتم غلق وفتح الشابيك بطريقه منتظمه
ومعينه للحصول على اعلى معدلات للتهويه ولكن عيب هذه الطريقه هو مجهده
للعمال .


العنابر المغلقه :
العنابر دى بتكون مغلقه من الجهتين البحرى والقبلى ويتم التهوية
فيها عن طريق ادخال الهواء من انام العنبر عن طريق فتحات بينما الجانب
الاخر يحتوى على مراوح شفط لسحب الهواء وفى حاله العنابر الكبيره بيكون
هناك مراوح تقليب فى منتصف العنبر وعلى الرغم من سهوله هذه الطريقه فى التهوية
الا انها تحتاج الى خبره فى التعامل خصوصا فى فتره الليل لابد ان يكون
النبطشى المسئول عن العنابر ليلا على قد كبير من الوعى لهذا الاسلوب لان اى
تكتيم او خلل فى عمل المراوح يسبب نافق عالى جدا فى الدجاج خصوصا فى الاعمار الكبيره .


العنابر شبه المغلقه :
عنابر
تحتوى على النوعين يعنى فيها مراوح شفط ومنافذ لدخول الهواء وبرده فيها
ستاير من الجانبين ممكن اننا نشغله مغلق او مفتوح حسب الحاجه .


ادويه تعمل على رفع مناعه الطيور ضد مشاكل سوء التهوية والبرد :
1-
الفيتامينات مثل فيتامين اد3ه حيث ان فيتامين ه يعمل على اعاده بناء
الاغشيه المبطنه للجهاز التنفسى وبالتالى زياده كفائتها وزياده التنفس فى
جسم الطائر وايضا فيتامين سى له دور كبير فى بناء الخلايا وزياده قدره
الطيور على التنفس .

2-
ادويه تم استخدامها حديثا تحتوى على الزيوت الطياره مثل المنتوفين و غيرها
التى تعمل على زياده قدره التنفس لطرد البلغم والمخاط فى الجهاز التنفسى
وتوسيع الشعب الهوائيه للطائر .


ملاحظه هامه جدا :
التهويه والحراره من العوامل الهامه جدا فى تربيه الدجاج
ولكن الحراره مهمهبشكل اكتر فى العمر الصغير وبزياده العمر لابد من
الاهتمام الجيد بالتهويه لان الفرخ بيكون اكتر عرضه للتاثر بالبرد وامراض
سوء التهوية وخصوصا المرض التنفسى المزمن .
الرجوع الى أعلى الصفحة اذهب الى الأسفل
 
التهوية فى عنابر الدجاج
الرجوع الى أعلى الصفحة 
صفحة 1 من اصل 1
 مواضيع مماثلة
-
» سلالات الدجاج البياض
» تربية الدجاج لانتاج البيض

صلاحيات هذا المنتدى:لاتستطيع الرد على المواضيع في هذا المنتدى
نيوفيت newvet  :: خاص بالاطباء البيطريين :: clinical :: الثروة الداجنة-
انتقل الى:  
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
Powered by
phpBB Version2
Copyright ©2010 - 2011, Jelsoft Enterprises Ltd