نيوفيت newvet

تحية طيبة زائرنا العزيز نرجو منك االتسجيل معنا على منتدانا او التعريف بنفسك اذا كنت عضو

مع تحيات ادارة المنتدى

نيوفيت newvet

| الطب البيطرى الحديث | الاطباء البيطريين |
 
الرئيسيةالتسجيلدخولدخول

شاطر | 
 

 ثقافة الاختلاف مع البنات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
casanova
عضو جديد
عضو جديد
avatar

ذكر
عدد المساهمات : 6
نقاط : 13173

مُساهمةموضوع: ثقافة الاختلاف مع البنات   الإثنين 4 أكتوبر 2010 - 23:31

السلام عليكم ورحمة الله وبركاته
ازيكم يارجاله ايه الاخبار موضوعى النهارده انا كاتبه فى منتديات كتير بحيث ان كل الناس تشوفه وان شاء الله لو عجبكم هكمل فى سلسلة مواضيع من نفس النوع
مبدأيا الموضوع اللى انا هتكلم فيه انا بتسأل فيه كتير جدا بس بيكون السؤال من فرد واحد فبجاوبه هوا بس فقررت انى اقوله لكل الناس عشان الكل يستفيد
اولا كل الولاد اكيد بيلاحظوا ان البنات دايما بيتكلموا مع بعض عن كل حاجة فى حياتهم ومفيش حاجة اسمها كسوف مابينهم يعنى دى بتحكى لصاحبتها عن حبيبها وتعامله ازاى ويتشاوروا مع بعض لغاية مايوصلوا للقرار السليم
ده اللى انا مستغربله ان دايما الشباب يتكسفوا يتكلموا فى المواضيع دى مع بعض ولو اتكلموا بيتكلموا بطريقة واحدة( ياعم انا حبيت واحدة وسبنا بعض او اتخطبت ويفضل يحكيله عن علاقتهم بعد ماحصلت وانتهت) طب كان فين الكلام ده من الاول اكيد طبعا راى الجماعة افضل من راى الفرد
طبعا موضوعى ده انا عارف ان فى ناس هتعترض عليه وكده بس انا عن نفسى لو فى واحد بس هيتابعنى فانا هكمل عشانه
تانى حاجة انا مبكتبش المواضيع دى عشان اقولك اضحك ع البنات ..لا طبعا كل اللى انا بقوله مجرد انى بعلمك ازاى تتعامل مع البنت ايا كانت هيا مين سواء صديقتك او حبيبتك او خطيبتك او حتى مراتك وطبعا بالخصوص لو واحدة صديقتك وانتا بتحبها ومش عارف تخليها تحبك

الموضوع باختصار..هحاول افهمك فيه ايه الي بتعمله غلط..ايه الي بتقوله غلط للبنت..مع انك شايفه صح من وجهة نظرك انت

ساعات كتير لما بتبقى عايز تشد بنت ليك..بتفكر تعمل ايه..
تفكيرك غالباً بيكون انك تبقى "لطيف" معاها..ما تقولهاش لأ على اي حاجة..هتقولها لأ ازاي دي ممكن تزعل منك..هتطيرها من ايديك؟

طبعاً دي البداية..بعد كده هتفكر انك تكلمها كل يوم..تبعتلها مسدجات رومانسية - ده لو عرفت تجيب رقمها بأسلوبك ده- وتحاول تجيبلها هدايا كتير..

تمام..فكرت بالطريقة دي ؟

كويس جداً..مبروك عليك الفشل يا ريس..!

باختصار، لو فكرت بالطريقة دي..وعملت كده، يبقى كده انت بتقولها " هاي..أنا زي أي حد انتي ممكن تعرفيه "..أو
" أنا بحاول اشتريكي بالهدايا الكتير عشان مش قادر أشدك ليا بشخصيتي ".. أحسن الفروض الي ممكن تحصلك..انك هتتحط في خانة "الصديق" الي لو جيت في يوم انت صرحتلها انك بتحبها..هتقولك انا طول عمري بعاملك كأخ..!

بص يا باشا..انسى كل الكلام ده..انسى طريقة تفكيرك دي خالص..

لما تتعامل مع بنت ما تفكرش كراجل لبنت...مشكلتك انك بتفكر هيا هتشوف الي انت بتعمله ده ازاي بس من وجهة نظرك انت..مش من وجهة نظرها هيا كبنت..يعني باختصار

لما تعمل أي حاجة او تقول أي حاجة..تفكر كبنت لراجل..هتستقبلها هيا ازاي أو هتشوفها ازاي أو هتسمعها ازاي..

لازم تحترم تفكير البنات..وتعرف انه مختلف عنك كراجل تماما..!

المشكلة يا باشا ان عشان تفهم مخ البنت لازم تفكر كبنت..آه تفكر كبنت، احنا بنحب الكورة وهما بيحبوا برامج المكياج والجمال والموضة، احنا بنحب المال والأعمال وهما بيحبوا أخبار الفنانات..احنا بنعتقد - خطأ - إن أنجح طريق هوا الطريق المستقيم، هما شايفين ان الرجل الدوغري - وما تزعلش مني - راجل ممل، مفيش في العلاقة معاه أي حاجة ممتعة..أي حاجة Interesting .. مفيش أي حاجة تخليها تستنى المرة الجاية هتشوفك امتى..ببساطة شايفين ان الراجل الدوغري راجل تقليدي..لازم يبقى في علاقتك شوية لعب وشوية تجديد..

الكلام ده انا كنت كتبته لواحد كان عنده مشكلة عاطفية وملقتش كلام احسن منه عشان توصلك نقطة ان البنات تفكيرهم مختلف تماما

يبقى اول نقطة..تفكر كبنت لراجل..مش كراجل لبنت..

تاني نقطة..، كتير من الرجالة..في كلامها مع أي بنت بتشوف ايه الكلام الحلو وتدور عليه وتقوله..ايه الكلام اللطيف الي ممكن أقولهولها عشان تعرف اني جنتل مان ؟؟..

لأ غلط..!

هتقولي امال اقولها ايه ..أقولها كلام رخم ؟

آه قول كلام رخم..! بس مش رخم رخم..لأ قول كلام دمه خفيف..بس في نفس الوقت تريقة خفيفة عليها..اتريق على مشيتها بخفة دم..اتريق على نضارتها بخفة دم برده..البنت ما تحبش الراجل الدوغري في الكلام..البنت تحب الراجل الي تحس ان في العلاقة معاه في حاجة ممتعة..في حاجة Interesting.. تخليها تستنى المرة الجاية هتشوفك امتى..وهتوديها فين..وهتقولها ايه..

انما ايه الجديد لو كل مرة خرجتوا قعدت تقولها كلام حلو..

دي بنت..الكلام الحلو سمعته 5000 مرة..
مرة تانية بقولك ما تخليش نفسك في نظرها حد عادي..ما تبقاش ممل يا أخي ..

يعني مثلاً..كلمة بقولها لكل الي بيسألوني نقول ايه واحنا ماشيين مع بنت..في حاجات كتير تقولها..يعني مثلاً:

لما تكون ماشي مع بنت..تقول على فكرة انا بحب أمشي معاكي جداً..لما تضحك وتقول ليه..تقولها بتفكريني بمشية جدتي الله يرحمها..كنت بحبها أوي..

طبعاً انت فاكر ان كلام زي ده هيضايقها..مش هيضايقها ما تخافش..بالعكس..جرب انت أي حاجة زي دي..ابدأ بكلمة حلوة خفيفة كده..وبعدين اتريق تريقة خفيفة برده وشوف النتيجة

وفي كلام كتير ممكن يتقال..لاحظ البنت الي معاك بتقول ايه أو لابسة ايه..البنت دايماً تحب تكون مميزة ولابسة عالأقل..حاجة واحدة مميزة، أو عالأقل مميزة ليها شخصياً.

خلي بالك ان أول تريقة بخفة دم - زي ما اتفقنا - بتقولها للبنت..بتعرفك البنت دي طبيعتها ايه..وبعد كده تعرف تزود التريقة شوية..ولا تزود الضحك شوية..، ساعات هتقابل بنات بتحب تتكلم جد على فكرة..وهتقولك انها بتحب تتكلم جد..، مش معنى كده انك تكلمها بوش خشب وتتكلم جد على طول..الكلام الجد ده برده كل فترة قول تريقة عليه..وأهم حاجة، ما تقولش كلمة تضحك وتضحك انت عليها..ما تبقاش عامل زي الي قال نكته وهوا أول واحد ضحك عليها..!

يبقى تاني نقطة..خليك مميز..، وما تخافش مش هتضايق منك.


بعد كده بقى تالت نقطة..


انت ليه بتفكر انك لو قولت حاجة ضايقتها انها هتطير من ايدك..ليه شايف نفسك انك ما تقدرش بشخصيتك تشد أي حد ليك..سواء دي او غيرها..ليه شايف ان مفيش قدامك الا فرصة واحدة..الي هيا البنت دي؟

الحكاية دي بتضايق البنات جداً..ان لو عرفوا ولد..يلاقوه بيحاول يقرب منهم بسرعة..شوية شوية يقولها بحبك..!

صحيح في بنات بتتلذذ بكده..انها تشد الولد ليها لغاية ما تخليه يحبها..انت ازاي تقع ؟!!

ليه كل ما تتعرف على بنت تخليها هيا محور حياتك ؟

BE A MAAAAAAN

المشكلة دي متعلقة بغريزة البقاء الي جوا كل واحد فينا..بس عقلك برمجها غلط..باختصار ان الإنسان بيتمسك بالفرصة الي قدامه عشان خايف تروح منه ويضطر يشوف غيرها..

حتى لو مفيش نصيب والبنت دي قطعت علاقتها بيك..ايه المشكلة؟ انت راجل وعارف انك حياتك مش هتقف على دي..انت راجل وعارف انك بشخصيتك تشد أي حد ليك..حط ده في دماغك واقتنع بيه..

ما تتنازلش عن رجولتك بإنك تحسسها ان حياتك مفيهاش غيرها هيا..وكل ما تعمل حاجة تاخد رأيها أعمل ايه..
المصيبة ان في ولاد..بيقولوا لأي بنت يكلموها: انتي بقيتي كل حاجة في حياتي..ما بقتش أفكر غير فيكي .. والمصيبة أكتر ان هما بيقولولها كده حتى وهما مفيش بينهم حب..!!

حسس البنت الي معاك انها مع راجل..في حياته اختيارات كتير زي ما هيا في حياتها اختيارات..وما تسألهاش كل شوية اعمل ايه وما أعملش ايه..

يبقى تالت نقطة..: Have options..يعني خلي ليك بدائل واختيارات..ما تخليش نفسك حكر لحد.


بعد كده بقى..

لما تكونوا خارجين ما تقولهاش ها تحبي نروح فين..ولما تروحوا ما تقولهاش ها تحبي ناكل ايه..!!

ما تقولش اصلاً رايحين فين..خلي كل حاجة هتعملها معاها هيا مستنياها هتبقى ايه..، لما تروحوا مطعم تتغدوا أو تتعشوا ما تقولهاش تاكل ايه..اطلب لنفسك وقولها هطلبلك كذا.. لو مش عاجبها الي طلبتهولها ما تخافش..هتقولك لأ مش بحب ده..

يا باشا ما تحسسهاش انها هيا الراجل وان هيا الي هترتب يومكوا..إزاي هتحس انك راجل وتحب تخرج معاك بعد كده وتقرب ليك اكتر..وتتطمن انك هتعرف تقود العلاقة معاها في حياتكوا الجاية كلها..وانت مش عارف تقود يوم واحد بس..!

وكمان لما تكونوا خارجين ما تعرفهاش البرنامج كله بتاع اليوم ايه..، ما تقولهاش هنروح الاول نتغدى في المطعم ده..وبعدين نتمشى شوية على الكورنيش..وبعدين نروح المكان ده..وبعدين بقى ندخل فيلم تامر حسني الجديد..

مبروك..ادتلها تقرير اليوم خلاص؟؟

انت كده كإنك بتاخد الإذن من والدتك عشان تخرج..!

خلي الخروجة بالنسبالها عفوية..مفاجأة..، ولما تسألك هنروح فين بعد كده قولها مش هقولك..ماتخافش ، قولها مش هقولك..خليها مفاجأة..

خلي بالك ما بقولكش استبد برأيك..وقولها يا كده يا بلاش..لأ، لو هيا اعترضت على حاجة احترم رأيها وناقشها فيه..

يبقى كده فهمنا مع بعض ان رابع نقطة هي انك انت الي تقود العلاقة..وتعرف تاخد قراراتك لواحدك..أمال انت راجل ليه؟


يلا أسيبك مع النقط دي تفهمها شوية..واقراها أكتر من مره...


عدل سابقا من قبل casanova في الثلاثاء 5 أكتوبر 2010 - 17:30 عدل 1 مرات
الرجوع الى أعلى الصفحة اذهب الى الأسفل
new_moon
عضو فضى
عضو فضى
avatar

انثى
عدد المساهمات : 736
نقاط : 15305
العمر : 28

مُساهمةموضوع: رد: ثقافة الاختلاف مع البنات   الثلاثاء 5 أكتوبر 2010 - 0:50

موضوع جاااااااااااااااااااااااااااامد جدا

هتفتح كده عقول الشباب ..........خليها مغمضه احسن



لى عوده مع الرد ان شاء الله
الرجوع الى أعلى الصفحة اذهب الى الأسفل
casanova
عضو جديد
عضو جديد
avatar

ذكر
عدد المساهمات : 6
نقاط : 13173

مُساهمةموضوع: رد: ثقافة الاختلاف مع البنات   الثلاثاء 5 أكتوبر 2010 - 17:12

نورتينى ياأهلاوية مع انى مش اهلاوى بس التوبيك نور بزيارتك ليه ومستنى ردك ان شاء الله
الرجوع الى أعلى الصفحة اذهب الى الأسفل
new_moon
عضو فضى
عضو فضى
avatar

انثى
عدد المساهمات : 736
نقاط : 15305
العمر : 28

مُساهمةموضوع: رد: ثقافة الاختلاف مع البنات   الثلاثاء 5 أكتوبر 2010 - 20:21

زملكاوى

طب مبدئيا كده مش هرد

ههههههههههههههه

بهزر والمصحف


هم الاهلاويه كده رخمين بس مش ارخم من اصحابنا التانيين

يللا يافرحتك ياد/ميتشو تلاقيه بيحبك اوى

ضهر برضه
الرجوع الى أعلى الصفحة اذهب الى الأسفل
new_moon
عضو فضى
عضو فضى
avatar

انثى
عدد المساهمات : 736
نقاط : 15305
العمر : 28

مُساهمةموضوع: رد: ثقافة الاختلاف مع البنات   الثلاثاء 5 أكتوبر 2010 - 20:27

بالنسبه للموضوع طبعا كلامك صح


انا شكيت ان بنت اللى كاتبه الموضوع بنت مش ولد

من كتر ماهو واقعى

بس

كل النقط اللى اتكلمت عليها صح بس مينفعش نعممها يعنى كل بنت وليها طريقتها

بس معظم كلامك فعلا صح

تانى حاجه كنت اتمنى تقول ازاى تعامل خطيبتك مش حبيبتك

لان يعنى المعروف البنت اللى الواحد بيخرج معاها تكون خطيبته ........اقصد يعنى عشان بكلامك متشجعش اى اتنين مش مخطوبين انهم يخرجوا

زائد كلامك بتهيألى فيه اجزاء منه موجهه للى بيحب بنت يتصرف ازاى

لكن الاغلبيه بيتكلم عن اى ولد مرتبط ببنت بمعنى اصح بيتسلى او بيقضى وقت ومش فى دماغه
فانت كاتبله ازاى يثبت البنت ومتمسكش عليه غلطه نهائى

مش علاقة واحد بيحب نهائى..... بس انا قلتلك ممكن يكون بيحبها بس كلامك اقليه منه بس اللى بتوحى بكده


بعيدا بقى عن النقط اللى انا اتكلمت فيها دى

ففعلا البنت تتمنى او تحب ان الشخص اللى مرتبطه بيه هو اللى يقود العلاقه

لان المفروض ان الراجل هو اللى يحسس البنت باالامان لانها بطبيعتها شخص ضعيف

يعنى حتة انه يفاجأها دى.............فعلا اجمل حاجه

حتة انها تخرج مع خطيبها ....ومتعرفش راحه فين.............ههههههههه بس هنا لازم جوزها يعنى مينفعش خطيبها دى اوك

افعلا بتبقى حاجه حلوة

بس اهم شىىىىىىىىىىىىىىء انه ميكوبش بخيل فى مشاعره معاها

وميكونش اوفر برضه بس البنات بطبيعتها بتحب الكلام الحلو حتى لو كدب وياه بقى لو سمعته من الانسان اللى بتحبه خلاص انسى هتعيش فى سعاده طول مانت بتقولها كلام حلو بس يكون من قلبك


وانه يحترمها قدام الناس دى اهم شىء اهله اهلها صحابه كده
انا بحترم موقف الرسول صلى الله عليه وسلم لما قالوله فيما معناه من احب الناس اليك قال عائشه فى وسط ا الصحابه

فعلا اتمنى اللى ارتبط بيه يقولها قدام كل الناس مش حاجه عيب " برضه جوزى "مش خطيبى

وميحرجش او يتكسف انه يبين قدام اصحابه انه بيحبنى حتى لو كنا كبرنا ومر سنييييييييييين ع الجواز



اتمنى مكونش طولت بس كنت اتمنى تكتب فى الموضوع ازاى تعامل مراتك مش حتى خطيبتك يعنى عشان يبقى كلامك من كل النواحى مفيهوش غلطه


بس مشكوووووووووووووووووووووووووور ع الموضوع الجامد
الرجوع الى أعلى الصفحة اذهب الى الأسفل
metcho
مشرف القسم الرياضىavatar

ذكر
عدد المساهمات : 908
نقاط : 15605

مُساهمةموضوع: رد: ثقافة الاختلاف مع البنات   الثلاثاء 5 أكتوبر 2010 - 21:18

ياكاسانوفا باشا على الرغم من انك زملكاوى زى حالاتى بس معلش انا اختلف معاك شكلا وموضوعا
اولا معلش الموضوع ان الحب مش بالهيافة دى او انة مجرد علاقة بين بنت وولد والواد ماسك فى ايد البنت وخايف انها تضيع منة وتنفضلة ومش انك تقولها انك بتحب تمشى معاها ونضارتها معرفش اية انت فى مجتمع شرقى الحب فية يعنى انا بحب البنى ادمة دى لانى ارتحت ليها واتفهمت معاها وهرتبط بيها لانى هجوزها مش مجرد تسالى وتضييع وقت ومشى فى الجامعة وقعدتين فى الكافيتريا وبعد كدة شكرا هيا وانا بنتسلى دة كلام مش مظبوط
ثانيا اللى بيحب حد بيحبة بمميزاتة وعيوبة ومقتنع انة هيرتبط بية برضاة العملية بقى مش مغامرة انا داخلها ولازم اخد كل التحصينات واعرف الطرق اللى توقع البنت فى شبكتى
رابعا انا لفت نظرى فى الاول انك بتقول ان كل واحد بييجى يسالنى اعمل اية مع البنت اللى بحبها دة انت واصل اوى على كدة بقى ومقطع السمكة ولا بتسمع اسامة منير كتيير
خامسا لو المحب مش بيتعامل مع حبيبتة على فطرتة وعلى طبيعتة العادية خالص يبقى ينفض للموضوع ومايضحكش على نفسة وياريت كل واحد يفتكر الجملة اللى بتقول عامل الناس كما تحب ان يعاملوك واللى ماترضهوش على نفسك ماترضاهوش على غيرك
الرجوع الى أعلى الصفحة اذهب الى الأسفل
casanova
عضو جديد
عضو جديد
avatar

ذكر
عدد المساهمات : 6
نقاط : 13173

مُساهمةموضوع: رد: ثقافة الاختلاف مع البنات   الثلاثاء 5 أكتوبر 2010 - 22:26

أهلاوية جدا كتب:
بالنسبه للموضوع طبعا كلامك صح


انا شكيت ان بنت اللى كاتبه الموضوع بنت مش ولد

من كتر ماهو واقعى

بس

كل النقط اللى اتكلمت عليها صح بس مينفعش نعممها يعنى كل بنت وليها طريقتها

بس معظم كلامك فعلا صح

تانى حاجه كنت اتمنى تقول ازاى تعامل خطيبتك مش حبيبتك

لان يعنى المعروف البنت اللى الواحد بيخرج معاها تكون خطيبته ........اقصد يعنى عشان بكلامك متشجعش اى اتنين مش مخطوبين انهم يخرجوا

زائد كلامك بتهيألى فيه اجزاء منه موجهه للى بيحب بنت يتصرف ازاى

لكن الاغلبيه بيتكلم عن اى ولد مرتبط ببنت بمعنى اصح بيتسلى او بيقضى وقت ومش فى دماغه
فانت كاتبله ازاى يثبت البنت ومتمسكش عليه غلطه نهائى

مش علاقة واحد بيحب نهائى..... بس انا قلتلك ممكن يكون بيحبها بس كلامك اقليه منه بس اللى بتوحى بكده


بعيدا بقى عن النقط اللى انا اتكلمت فيها دى

ففعلا البنت تتمنى او تحب ان الشخص اللى مرتبطه بيه هو اللى يقود العلاقه

لان المفروض ان الراجل هو اللى يحسس البنت باالامان لانها بطبيعتها شخص ضعيف

يعنى حتة انه يفاجأها دى.............فعلا اجمل حاجه

حتة انها تخرج مع خطيبها ....ومتعرفش راحه فين.............ههههههههه بس هنا لازم جوزها يعنى مينفعش خطيبها دى اوك

افعلا بتبقى حاجه حلوة

بس اهم شىىىىىىىىىىىىىىء انه ميكوبش بخيل فى مشاعره معاها

وميكونش اوفر برضه بس البنات بطبيعتها بتحب الكلام الحلو حتى لو كدب وياه بقى لو سمعته من الانسان اللى بتحبه خلاص انسى هتعيش فى سعاده طول مانت بتقولها كلام حلو بس يكون من قلبك


وانه يحترمها قدام الناس دى اهم شىء اهله اهلها صحابه كده
انا بحترم موقف الرسول صلى الله عليه وسلم لما قالوله فيما معناه من احب الناس اليك قال عائشه فى وسط ا الصحابه

فعلا اتمنى اللى ارتبط بيه يقولها قدام كل الناس مش حاجه عيب " برضه جوزى "مش خطيبى

وميحرجش او يتكسف انه يبين قدام اصحابه انه بيحبنى حتى لو كنا كبرنا ومر سنييييييييييين ع الجواز



اتمنى مكونش طولت بس كنت اتمنى تكتب فى الموضوع ازاى تعامل مراتك مش حتى خطيبتك يعنى عشان يبقى كلامك من كل النواحى مفيهوش غلطه


بس مشكوووووووووووووووووووووووووور ع الموضوع الجامد
اولا اشكرك على ردك الجميل
ثانيا انتى قلتى ان مينفعش نعممها طبعا لكل قاعدة شواذ بس الاسلوب ده صحيح ومجرب منى ومن ناس تانية وعلى فكرة انا قلت فى اول الموضوع انى مبقولش للشباب اضحكوا على البنات بالعكس انا شايف ان البنت اللى يتضحك عليها هيا اللى بتضحك على نفسها مش الولد اللى بيضحك عليها(دى وجهة نظرى بناء على حاجات ممكن اوضحها فى موضوع تانى)
طبعا حضرتك بتقولى المفروض الكلام يكون موجه للمخطوبين او المتجوزين انا فى الاول ذكرت برده ان الكلام موجه لآدم عشان يعامل حواء بمعنى سواء حبيبتك او خطيبتك او مراتك لانى مقدرش احاسب كل واحد واقوله متخرجش مع واحدة الا لما تكون خطيبتك او مراتك دى حرية شخصية انا بديله المفتاح وهوا يستخدمه على حسب نيته لو عايز يستخدمه مع صديقته اللى عايزها تحبه اوك لو عايز يستخدمه مع حبيبته اصلا عشان متسيبوش وتزهق منه( صدقينى بتحصل كتير البنات بتزهق بسرعة جدا) او مع خطيبته عشان طبعا ايام الخطوبة بتكون جميلة ولازم يحسسها بالتميز وأخيرا مراته كل واحد بقى يستخدم الاسلوب مع البنت اللى معاه سواء خطيبته او حبيبته او مراته لكن انا مقدرش اقول لواحد متعملش كده الا لما تخطبها
غير كده حضرتك بتقولى عشان البنت متمسكش عليه غلطة ويثبتها وكده الكلام اللى فى الاول ده كان موجه مثلا لشاب بيحب واحدة وهيا مش حاسه بيه يبقى يلفت نظرها ازاااى؟؟؟؟ الكلام اللى فى الاخر بتاع الخروجات فده للكل متجوزين مخطوبين او حتى مرتبطين فى الكلية
واخيرا شرفتينى بمرورك واتمنى اكون قدرت اشرح وجهة نظرى واوصل انا عايز ايه من الموضوع
الرجوع الى أعلى الصفحة اذهب الى الأسفل
casanova
عضو جديد
عضو جديد
avatar

ذكر
عدد المساهمات : 6
نقاط : 13173

مُساهمةموضوع: رد: ثقافة الاختلاف مع البنات   الثلاثاء 5 أكتوبر 2010 - 22:45

[ندعوك للتسجيل في المنتدى أو التعريف بنفسك لمعاينة هذا الرابط] كتب:
ياكاسانوفا باشا على الرغم من انك زملكاوى زى حالاتى بس معلش انا اختلف معاك شكلا وموضوعا
اولا معلش الموضوع ان الحب مش بالهيافة دى او انة مجرد علاقة بين بنت وولد والواد ماسك فى ايد البنت وخايف انها تضيع منة وتنفضلة ومش انك تقولها انك بتحب تمشى معاها ونضارتها معرفش اية انت فى مجتمع شرقى الحب فية يعنى انا بحب البنى ادمة دى لانى ارتحت ليها واتفهمت معاها وهرتبط بيها لانى هجوزها مش مجرد تسالى وتضييع وقت ومشى فى الجامعة وقعدتين فى الكافيتريا وبعد كدة شكرا هيا وانا بنتسلى دة كلام مش مظبوط
ثانيا اللى بيحب حد بيحبة بمميزاتة وعيوبة ومقتنع انة هيرتبط بية برضاة العملية بقى مش مغامرة انا داخلها ولازم اخد كل التحصينات واعرف الطرق اللى توقع البنت فى شبكتى
رابعا انا لفت نظرى فى الاول انك بتقول ان كل واحد بييجى يسالنى اعمل اية مع البنت اللى بحبها دة انت واصل اوى على كدة بقى ومقطع السمكة ولا بتسمع اسامة منير كتيير
خامسا لو المحب مش بيتعامل مع حبيبتة على فطرتة وعلى طبيعتة العادية خالص يبقى ينفض للموضوع ومايضحكش على نفسة وياريت كل واحد يفتكر الجملة اللى بتقول عامل الناس كما تحب ان يعاملوك واللى ماترضهوش على نفسك ماترضاهوش على غيرك
مبدأيا ياباشا انا اسمى كازانوفا مش كاسانوفا طبعا بيتهيألى اكيد عارف مين الشخص اللى اسمى على اسمه وتقدر برده تعمل سيرش على جوجل عنه ثانيا اختلف معايا ياباشا زى مانتا عايز الموضوع موضوعك مفيش اى مشكلة بس انا هاخد كلامك وارد عليه
انتا بتقول ان الحب مش بالهيافة دى بيتهيألى انا مجاش على لسانى فى الموضوع ان الحب هايف او كلامى هايف اوى كدهوبتقول ان الولد ماسك فى ايد البنت وخايف انها تضيع منه بيتهيألى برده انت لو بتحب بنت بجد مش هتكون عايزها تضيع من ايدك وبعدين انا مبقولش تعمل كده عشان بنت معينه وتجرى وراها انا ذكرت فى نص الموضوع ان كل ولد لازم يكون راجل عارف انه عنده اختيارات وبدائل ولو مفيش وفاق بينه وبين اللى بيحبها خلاص اكيد هتجيله اللى يكون فى وفاق مابينهم
وبعدين انا مبقولش يقول التريقة اللى قلت عليها لبنت هوا مرتبط بيها انا بقول لواحدة مثلا هوا بيحبها وعايز على الاقل يلفت نظرها ويحسسها انه مختلف عن اى ولد وانه مش زى اى ولد اى بنت تعجبه يفضل يقول فى كلام حلو عشان يلفت نظرها دى بنت بتتعاكس ويتقالها كلام حلو فى اليوم 500 مرة ثم انا مثلا بحب البنت دى يبقى من حقها عليا انى على الاقل اعرف ان تفكيرها مختلف عنى عشان اعرف اعاملها ازاى وهرجع واقول عشان متزهقش منى ( وصدقنى بتحصل حتى لو البنت مبينتش قدامك كده وحتى لو البنات معترفوش بكده) وياباشا متقوليش مفيش ارتباط من غير خطوبة دلوقتى الارتباط فى كل حتة واكيد بتشوف عندك ناس فى الكلية بدون ذكر اسماء مرتبطين وبيحبوا بعض بدون اى ارتباط رسمى وطبعا ده فى كليه واحدة اللى هيا متجيش ربع الجامعة وتقدر تنزل الجامعة وتشوف الارتباطات اد ايه يبقى انا مش بتكلم فى حاجة شاذة او مش موجوده انا بتكلم للعموم واللى عايز يخصص جزء لنفسه يخصص براحته وبعدين انا مش بقولك غير من نفسك كده كده الحاجات دى جواك وبتعرف تتعامل مع البنت احسن منى ومن كازانوفا نفسه بس النشأة الغلط والبيئة الغير مناسبة هيا اللى ربت عندنا اننا بنعامل البنات زى الولاد مفيش اى فرق
بالنسبة لرابعا بقى انا مش واصل ولا حاجة ولا مقطع السمكة وديلها بس فى فرق بينى وبين اى ولد انى لما بفشل فى حاجة لازم اعرف انا فشلت ليه وبلاحظ تجارب غيرى كمان واستفاد منها وعلى فكرة والله عمرى ماسمعت اسامة منير غير فى فيلم ظرف طارق ومعرفش ليه الناس بتربط الحب وحلول مشاكله بواحد عنده 40 سنة مش عاصر الحياة بتاعتنا اللى احنا موجودين فيها ولا شاف ايه الجديد مع كامل احترامى لأستاذ اسامة منير
اسف انى طولت وشرفنى مرورك ياباشا وادعى بقى للزماالك يكمل على خير
الرجوع الى أعلى الصفحة اذهب الى الأسفل
قدوتى برسولى
عضو جديد
عضو جديد
avatar

عدد المساهمات : 82
نقاط : 14327

مُساهمةموضوع: رد: ثقافة الاختلاف مع البنات   الأربعاء 6 أكتوبر 2010 - 0:08

اولا نبدا بما جاء به الشرع الكريم حيث يقول تعالى ( ولا متخذات اخدان ) والاخدان اى الاصدقاء من الرجال اى لايحل لمسلمة ان تصاحب رجلا حتى وان كانو اصدقاء دراسة
وثانيا يقول رسولنا الكريم فى حديث معناه لان يخبط احدكم بمنجل فى راسه خير له من ان يصاحف امراءة لاتحل له
ومن الاثنين يتبين لنا التحريم المطلق للعلاقة بين الذكر والانثى حتى يتم الدخول ف الحلال وهو طلب يد الفتاة من اهلها ولذا شرعت فترة الخطوبة
والموضوع يرى من وجهة نظرى بانه تحريض على معصية
ومن كل ماسبق ارى بان الموضوع مخالفا لما جاءت به الشريعة المطهرة وذلك بعد اذن كاتب الموضوع ارجو منه تعديل موضوعه لتكون العلاقة بين المخطوبين فحسب او اطلب من المشرفين على القسم النظر ف الموضوع واطلاع المدير العام على رسالتى
وارجو من الكاتب ان يتفهم وجهة نظرى وان كانت قاصرة ووفقنا الله واياكم لما فيه الخير
الرجوع الى أعلى الصفحة اذهب الى الأسفل
د/محمود البحراوى
عضو فضى
عضو فضى
avatar

ذكر
عدد المساهمات : 686
نقاط : 14928
العمر : 28
العمل/الترفيه : vet

مُساهمةموضوع: رد: ثقافة الاختلاف مع البنات   الأربعاء 6 أكتوبر 2010 - 0:30

انا اوافق راى قدوتى برسولى وياريت اخينا كازانوفا يعدل فى الموضوع لتكون العلاقه بين المخطوبين بل بين المتزوجين حتى انا لا اؤيد ان الكلام ده يحصل بين المخطوبين لان خطيبتك ما تزال لا تحل لك
وبعدين الكلام ده انا مارضهوش لاختى ارضاه لبنات الناس؟!
الرجوع الى أعلى الصفحة اذهب الى الأسفل
casanova
عضو جديد
عضو جديد
avatar

ذكر
عدد المساهمات : 6
نقاط : 13173

مُساهمةموضوع: رد: ثقافة الاختلاف مع البنات   الأربعاء 6 أكتوبر 2010 - 10:28

لا ياجماعة بما انكم رافضين الموضوع فانا شايف ان الموضوع يتحذف احسن
الرجوع الى أعلى الصفحة اذهب الى الأسفل
metcho
مشرف القسم الرياضىavatar

ذكر
عدد المساهمات : 908
نقاط : 15605

مُساهمةموضوع: رد: ثقافة الاختلاف مع البنات   الأربعاء 6 أكتوبر 2010 - 10:33

اولابالنسبة لكازانوفا اللى انت زعلان علية اوى انا دورت علية وبسم الله ماشاء الله طلع حاجة كبيرة اوى وهنزلك موضوع عنة من الموسوعة اللى كاتبة معلومات عنة مش من دماغى
اما بالنسبة ياجماعة لان الموضوع مخالف عندكوا حق بس احنا لازم نواجة الحاجات دى نشوف راى الاعضاء وبعد كدة اكيد هنعمل زى ماقولتى ياقدوتى برسولى انتى والبحراوى
الرجوع الى أعلى الصفحة اذهب الى الأسفل
د/ جمال العيسوى

المدير العامالمدير العام
avatar

ذكر


عدد المساهمات : 1306
نقاط : 16842
العمر : 29
العمل/الترفيه : دكتور بيطرى

مُساهمةموضوع: رد: ثقافة الاختلاف مع البنات   الأربعاء 6 أكتوبر 2010 - 12:43

ايها الاصحاب اسعد الله مسااكم بكل خيرويمن وبركة رايت الموضوع من اوله وقد نبهنى اليه metcho ووصلتى رسالة من قدوتى برسولى وكان ماكان وبعد قراتى للموضوع ارى انه يناقش قضايا ارى فيها شيئا من الاحراج للناس وخاصة بان نتدانا منتدى علمى بادرجة الاولى وترفيهى بالمقام الثانى وعلى كل ماتقدم يتم غلق الموضوع وارجو الا تتكرر مثل تلك المواضيع وان نشغلبالنا بما هو اهم من ذلك على ان يكون الترفيه شيئا معا وليس كل شىء واشكر كل من شارك ف الرد على هذا الموضوع سواءا بالقبول او الرفض وقد رايت من كاتب الموضوع روحا طيبه اشكره على سعة صدره لسماع مثل ماقيل واجو ان يعتبر نفسه فردا م عائلتنا لاغريبا عنها او منبذا بيننا فكلنا هنا عائلة واحده جمعتها الالفة واموده وان كا لانعرف بعضنا شخصيا ولكننا نحب بعضنا ونتمنى لبعضنا لتوفيق وجزيتم على كل هذا خيرا كثيرا


[ندعوك للتسجيل في المنتدى أو التعريف بنفسك لمعاينة هذه الصورة]
لا إله إلا الله .... محمد رسول الله
[ندعوك للتسجيل في المنتدى أو التعريف بنفسك لمعاينة هذه الصورة]


الرجوع الى أعلى الصفحة اذهب الى الأسفل
 
ثقافة الاختلاف مع البنات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نيوفيت newvet  :: سلة المهملات :: ساحة الحوار والنقاش :: المنتدى العام-
انتقل الى:  
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
Powered by
phpBB Version2
Copyright ©2010 - 2011, Jelsoft Enterprises Ltd